16 An magña ibá gñani nin inagña Fariseo nag-sarabi saiya, An tauong ini bacong sa Dios, huli ta day guinagalagñan an aidao nin pag-hignalo. An magña iba nag-sarabi man, ¿Pápanon an pag-guibo can saróng tanong para-casalâ can siring na magña tanda? Asin nag-cacapasuruhay sa sainda man sana.
17 Nagsarabi liuát sa botá, Icá anó an isasabi mo dapit sa saiya ta binucasan ca can magña matá? Sia nag-sabi sainda, na idto profeta.
18 Alagad si magña Judio day nagturubod dapit sa saiya, na sia dating botá, asin nacabalic an pacahiling, sagcod na ipinaapod si magña magurang nin si nacabalic an saiyang pacahiling;
19 asin pinag-harapot sinda na nag-sarabi, ¿Iyó ini an saindong áquing lalaqui, an sinasabi nindong namondag na botá? táano ta nacucahiling na sia gñunian?
20 An saiyang magña magurang nag-sirimbag asin nagsarabi, Naiisihan mi na ini an áqui ming lalaqui, asin namondag na botá:
21 alagad cun anó ta sia nacacahiling gñunian, day mi ini naiisihan; ó cun si-isay an buminucás saiya can magña matá, day mi ini naiisihan; hapotón nindo sia; may edad na: sia an mag-tátaó nin pacatalastas dapit sa saiya man sana.
22 Ini an pinag-sarabi can saiyang magña magurang, huli ta nag-cacataracot sa magña Judio: huli ta pinag-casararoanna nin magna Judio, na si-isay man na magsabi na sia iyó an Cristo, papabaleon sa sinagoga.
23 Caya iyo ini an pinagsarabi can saiyang magña magurang: May edad na sia; hapotón nindo sia.
24 Pinag-arapod gñani liuát an tauong nani botá, asin pinagsarabihan sia, Mag-taó ca nin camurauayan sa Dios; naiisihan mi na an tauong ini paracasala.
25 Sia gñani nag-simbag, Cun paracasalâ, day co naiisihan; saróng bagay an naiisihan co, na acó dating botá, gñunian nacacahiling acó.
26 Dagñan nag-sarabi saiya liuát, ¿Anó an guinibo saimo? napanó an pag-cabucás can saimong magña matá?
27 Sinimbag sinda: Sinabihan co na camó, asin day camó
