Can caaldauan nin pag-dolot, aso hapotón si Jesús nin
magña Judio, napamidbid na sia an Mesias, an
Aqui nin Dios.—Boót nindang pag-gagapoón
sia; asin napadumán sa ibang
nin Jordán.
22 Asin guinibo an capistahan nin pag-dodolot, sa Jerusalem, asin natagbo na panahon nin tig-lipot;
23 asin si Jesús nag-lalacao sa templo, sa may pintoan ni Salomón.
24 An magña Judio gñani nag-tiripon sa palibot nia, asin nagsarabi saiya, ¿Sagcod noarin mo pagpupurisauon an samong calag? Cun iyó icá an Cristo, sabihon mo na nin hayag sa samo.
25 Si Jesús sinimbag sinda: Isinabi co-na sa saindo, asin day camó nag-turubod: an magña guibong guiniguibo co sa gñaran nin sacong Ama, iyo iyan an nag-papatotoo dapit sa saco.
26 Alagad canó day nag-tuturubod, buli ta bacò camóng caiba can magña carnero co, siring sa sinabi co na sa saindo.
27 An sacong magña carnero nacacadagñog can sacong tigñog, asin namimid bid co sinda, asin sinda nag-sosoronod sacô:
28 asin tinatauan co sinda nin buhay na day nin catapusan, asin sinda day magagadan sagcod noarín pa man, asin day nin si-isay man na mag-aagao sainda sa. camót co.
29 An sacong Amá na nag-taó sacô sainda, iyó an orog cadaculâ sa gabos; asin day nin si-isay man na may capangyarihan sa pag-agao sainda sa camót nin sacong Amâ.
30 Acó asin an sacong Ama sarò saná cami.
31 An magña Judio nag-carapot liuát nin magña gapô ta gagapôón sia.
32 Si Jesús sinimbag sinda: Balaquid na magña mararahay na guibo na ipinahayag co saindo sa gñaran nin sacong Amâ; ¿dahel sa arin caining magña guibong ini boót nindo acong paggapoón?
33 An magña Judio nag-sirimbag saiya: Dahel sa saróng marahay na guibo day mi icá guinagapo, cundi dahel sa pag-
