rarapsác; asin huli ta icá, saro caman na tauo, nag-di-Dios-
Diosan ca.
34 Si Jesús sinimbag sinda: ¿Day nasusurat sa saindong ley ó casogoan: Acó nag-sabi: Magña dios camó?
35 An inaapod na magña Dios idtong magña inabot can tataramon nin Dios (asin an casuratan day mangyayaring malag-lag),
36 nag-sasarabi camó dapit caidtong pinacangmahal can Ama, asin sinogo sia sa quinaban: Jcá nag-rarapsac, huli ta nag-sabi acó: Acó an Aqui nin Dios?
37 Cun day co guiniguibo an magña guibo nin sacong Ama, day camó mag-turubod sacó:
38 Tará cun guiniguibo co an magña guibong iyan, minsan day camó mag-turubod sa sacó, mag-turubod camó sa magña guibo; ta gñaning mamidbid nindo asin mag-turubod camó na an Amâ uya sacó, asin acó nasa sa Amâ.
39 Caya gñani nagñag-hihirigñoa na dacopon sia liuát: alagad sia lominuas sa saindang magña camót.
40 Asin napadumán liuát sa ibong nin Jordán, dumán sa lugar na can enot pinag-boboniagan ni Juan, asin nag-ontoc dihán.
41 Asin balaquid si nag-dirigdi sa saiya; asin nagsarabi, Si Juan sa catotoohan day nag-guibo nin tanda; alagad an gabos na bagay na isinabi ni Juan dapit caini, nani catotoohan.
42 Asin balaquid si nag-turubod dihan sa saiya.
CAPÍTULO XI.
An pagcabuhay liuát ni Lázaro.
1 Iguá nin saróng lalaqui na nag-hehelang, na gñinagñaranan si Lázaro, na tagá Betania, sa barrio ni Maria asin ni Marta na saiyang tugang.
2 (Iyó idtong Maria na naglahid sa Cagurangnan nin ungüento, asin pinahidan an saiyang magña bitis can saiyang bohoc, na an saiyang tugang na si Lázaro nag-hehelang.)
3 Nagsorogo gñani si magña tugang sa saiya, na nagsarabi, Cagurangnan, uya na idtong namomótan mo nag-hehelang.
