18 Asin an Betania harani sa Jerusalem, na may caglimáng estadio;*
19 asin balaquid nin si magña Judio nagdirigdi qui Marta. asin qui Maria, sa pagragña sainda dapit can saindang tugang na lalaqui.
20 Si Marta gñani, can madagñog nia na si Jesús nag- dadatong, sina bat nia: alagad si Maria naualát sa harong na nag-tutucao.
21 Si Marta gñani sinabihan si Jesús, Cagurangnan, cun uya ca digdi cutâna, day cutâna nagadan an sacong tugang.
22 Condi naiisihan co na minsan gñunian, an gabos mong hagadon sa Dios, ipagtatalaga saimo nin Dios.
23 Nag-sabi saiya si Jesús, Mabubuhay liuát an saimong tugang.
24 Si Marta nag-sabi saiya, Naiisihan co na mabubuhay liuát sa hudián na aldao.
25 Si Jesús nag-sabi saiya, Acó an pagcabuhay liuát, asin an buhay: an minatubod sa sacô, minsan magadan, mabu- buhay;
26 asin idto gabos na nabubuhay asin minatubod sa sacó, day magagadan sagcod noarin pa man. ¿Minatubod ca caini ?
27 Si Marta nagsabi saiya, Ohó, Cagurangnan; tominubod acó na icá iyo an Cristo, an Aqui nin Dios na mapadigdi sa quinâban.
28 Asin pacasabi caini, nag-halè, asin inapod nin hilom si Mariang tugang nia, na sinabihan, An Maestro uya digdi, asin inaapod ca.
29 Si Maria gñani can pacadagñog caini, nag-buhat uin madali, asin napadumán sa saiya.
30 (Alagad si Jesús day pa dominatong sa barrio, cundi dudumán sa lugar na nasabatan saiya ni Marta.)
31 Si magña Judio gñani na dudumán cairiba nia sa harong, asin ta magña nagraragña saiya, pagcahiling na si Maria tominindog nin madali asin lominuás, nag-soronod saiya, na nag-sasarabi, madumán sa lolobgñan, ta magtagñis duman.
- Balang estadio may 224 varas.
