56 Pinagharanap gñani si Jesús, asin can dudumán na sinda sa templo, nagsarabi sinda sa sainda man saná, ¿Anó an paghonahon nindo? ¿day sia madigdi sa fiesta?
57 Asin si magña poón nin magña sacerdote asin si magña Fariseo nagsorogo, na cum si-isay an nacacaisi can na-oontocan ipag-pahayag, ta gñaning madacop sia.
CAPÍTULO XII.
Si Maria pinag-lahidan nin lana an magna
bitis ni Jesús.
1 Si Jesús gñani, anóm na aldao pa an pascua, napadigdi sa Betania, sa na-oontocan ni Lázaro na nagadan asin na binuhay liuat ni Jesús sa magña gadana.
2 Asin nagguiribo nin sarong panhapon; asin si Marta nag- lilincod; asin si Lázaro saro nin si magña dudumán sa lamesa sa cairiba nia, nagtutucao.
3 Dagñan si Maria nagcuá nin saróng librang ungüento nardo na anas, na mahalagang gayo, linahidan si magia bitis ni Jesús, asin pinahidan si saiyang magña bitis can saiyang magña bohoc asin napano si harong can parong nin si ungüento.
4 Nagsabi gñani an sarò nin si saiyang magña discipulo, si Judas Iscariote, na áqui ni Simón, na iyo si magpapasaloib saiya:
5 Tádao ta day nia ipinagpabacal an ungüentong ini nin tolong gatos na denario,* asin itinaó sa magña duc-hâ?
6 Ini isinabi nia, bacong sa pagmamacolog nia sa magña duc-hâ, cundi huli ta sia mahâbon, asin may sopot, daradára nia an magña ilinalaog dumán.
7 Si Jesús gñani nagtaram: Pabayae nindo sia; manogñod sa aldao nin pag-lolobong sa saco inandam nia iyan.
8 Huli ta an imagña ducha dayaday na yaon sa saindo; alagad acó day dayaday nasa saindo.
- Tolong gatos na denario, may sangatos na pisos.
