An ibang magña Griego boot mahiling si Jesús.—Sia
nagtataram dapit nin si saiyang harani nang
camurauayan.—Sarong tigñog nin lagnit.—
Si Jesús, ilao nin quinában.
20 Asin iguá nin nagcapirang magña Griego nin si magña nagñagturucad sa pagsarambá sa capistahan:
21 Ining magña ini gñani nagdoroloc qui Felipe, na tagá Betsaida sa Galilea, asin nagpaquimaherac saiya, na nagsarabi. Cagurangnan, Boót mi cutana na mahiling si Jesús.
22 Dominoloc si Felipe, asin isinabi idto qui Andrés; asin dominoloc si Andrés patin si Felipe, asin sinda ipinagsarabi idto qui Jesús.
23 Asin si Jesús sinimbag sinda, na sominabi, Madatong an oras na an Aqui nin tauo papamurauayon.
24 Sa catotoohan, sa catotoohan sinasabihan ta camó, Na cun an pisog nin trigo day maholog sa dagâ asin magadan, sia saná an nauaualát; tará cun magadán, magbubugña nin dacol.
25 An namomoót sa saiyang buhay, madadayhan nin buhag; asin an naoogñis sa saiyang buhay sa quinában na iní, ririmposon ini sa saiya dumán sa buhay na day nin catapusan.
26 Cun si-isay an naglilincod sacô, somonod sa sacô; asin cun saén acó dudumán, diban man mag-oontoc an naglilincod saco si-isay man na naglilincod sa saco, an siring saiya babalsán sia nin sacong Ama.
27 Gñunian naririboc an sacong calag, ¿asin anong sasabihon co? Amâ, iligtas mo acó sa oras na ini, condi dahel caini napadigdi acó sa oras na ini.
28 Ama, pamurauayan mo an saimong gñaran. Dagñan tominindog an saróng tigñog sa lagñit, na nagsabi. Napamurauayan co na, asin papamuranayan co liuát.
29 Si cadaclán gñani na dudumán asin nacadagñog caito, nagsabi na nagdagoldol: si magña iba nagñagsarabi, Saróng ángel naquipag-olay sa saiya.
30 Nagsimbag si Jesús asin nagsabi, Bacong dahel sa sacò napadigdi an tigñog na ini, cundi dahel sa saindo.
