31 Gñunian iyo an paghohocom sa quinâban na ini: gñunian an principe caining guinaban papaluson siya.
32 Asin acó, cun macatindog na sa itaas nin dagà, an gabos dadarahon co sa caibahan co.
33 Tará ini sinasabi, nia sapag-pasibot cun baga sa anong cagadanan magágadan.
34 An cadaclán sinimbag sia, Nadagñog mi sa casogoan, na an Cristo magdadanay sagcod noarin pá man: ¿asin tádao ta nagsasabi cá Na quinacaipuhan na an Aqui nin tauo itindog sa itaas? ¿Si-isay ining Aqui nin tauong ini?
35 Si Jesús gñani sinabihan sinda, cadiquit na panahon na saná na magcacaiguá camó nin ilao: mag-ralacao caió na may magña ilao pa camó, ta gñaning day camó aboton can magña cadiclomán huli ta an nag-lalacao sa magña cadiclomán, day nacacaisi cun saen macasampot.
36 Dagñan na may magña ilao pa camó, magturubod camú sa ilao, ta gñaning mani camó magña áqui nin ilao. Ining magña bagay na ini, isinabi ni Jesús, asin iyo idtó naghale, asin nagtago sa sainda.
37 Huli ta minsan balaquid si magña guinibo niang gñagñalasan sa atubang ninda, day nagñagturubod sa saiya;
38 ta gñaning maotob an tataramon na sinabi ni Isaias na profeta:
Cagurangnan, ¿si-isay an nagtubod can samong tataramon?
¿asin qui-isay ipinahayag an taquiag nin Cagurangnan?
39 Cayà day sinda nacapagturubod; huli ta nagsabi liuát si Isaias:
40 Binotá nia an saindang magña matá, asin pinatagás an saindang puso;
ta gñaning day mahiling can saindang magña matá, asin matalastás can saindang pusó, asin magbaralic an magña boot, asin mapaomayan co sinda.
41 Ining magña bagay na ini isinabi ni Isaias can mahiling an saiyang camurauayan, asin nagtarám dapit sa saiya.
42 Alagad minsan an magña principe balaquidon an nagturubod sa saiya; alagad dahel sa magña Fariseo day
