2 Asin nin si inatapus na si panhapon, can icabugtac na nin diablo sa puso ni Judas Iscariote, áqui ni Simón, an homa nia na pagpasaloib saiya,
3 sa pacatalastás ni Jesús na an Amâ ibinugtac an gabos na magña bagay sa saiyang camót, asin guican sa Dios, asin sa Dios man sia padudumán,
4 nagtindog sa panhapon, asin hinoba an saiyang magña gubing, cominuá nin saróng toalla, asin hinagcos nia iní.
5 Pacatapus binugtacan nin tubig an sarong palangana, asin nagpoón maghanao can magña bitis nin si magña discipulo, asin pagpahidan sinda can toalla na nahahagcos saiya.
6 Nagdoloc gñani qui Simón Pedro. Si Pedro nagsabi saiya, Cagurangnan, ¿icá an maghahanao can sacong magña bitis?
7 Nagsimbag si Jesús asin sinabihan sia, An guiniguibo co day mo naiisihan gñunian; tará masasabotan mo gñapit.
8 Nagsabi saiya si Pedro, Sagcod noarin man day ca maghanao can sacong magña bitis. Si Jesús sinimbag sia, Cun day tacá hanaoan, day ca magcacaiguá nin paquinabang sa sacô.
9 Si Simón Pedro nag-sabi saiya, Cagurangnan, baco saná an sacong magña bitis, cundi an magña camót man asin sacong payo.
10 Si Jesús nagsabi saiya, An nahanaoan-na, day na nagcacaipong paghanauan cundi an magña bitis; ta malinig na an gabos: asin camió magña malinig na, minsan bacò an gabos.
11 Huli ta naiisihan nia cun si-isay an magpapasaloib saiya; caya nagsabi, Bacóng camó gabos magña malinig.
12 Can mahanauan na gñani sinda can magña bitis, asin macuá an saiyang magña gubing asin pacatucao liuát, sinabihan sinda, ¿Naiisihan nindo an guinibo co sa saindo?
13 Inaapod acó nindong Maestro, asin Cagurangnan; an pag-sabi nindo marahay; huli ta iyo man nangad.
14 Tará cun acó, na iyo an Cagurangnan asin an Maestro, naghanao acú can magña bitis nindo, camó man maninigong magharanauan can magña bitis an magña iba sa magña ibáng capua nindo man sana.
15 Huli ta tinâuan co camó nin arogan ta gñaning guibohon nindo siring can guinibo co sa saindo.
