4 Magdaranay camó sa sacó, asin acó sa saindo. Day magbubugña an sagñá sa saiya man saná, cun day magdanay sa poón nin uvas, siring man camó day mangyayari, cur day camó magdaranay sa sacô.
5 Acó an poón nin uvas, camó an magña sagña: an nagdadanay sa saco, asin acó sa saiya, ini an nagbubugña nin dacol; huli ta cun borolag camó sa saco day camong maguiguibo na anoman,
6 Cun iguá nin day magdanay sa sacô, ihahapon sa luás siring sa maraot na sagñá, asin maáalang; asin an magña siring popotolon sinda, asin igagatong sinda sa calayo, asin sosoloôn.
7 Cun camó magdaranay sa sacó, asin an sacong magña tataromon magdaranay sa saindo, mahahagad nindo an gabos na minoót vindo, asin cacamtán nindo.
8 Sa siring na bagay napapamurauay an sacong Ama, na magburugña camú nin dacol; asin manini camó magña discipulo co.
9 Siring can pagcamoót sa sacô can Amâ, siring man an pagcamoót co sa saindo: magdaranay camó sa sacong pagcamoot.
10 Cun mag-orotob camó can sacong magña togon, magdadaranay camo sa sacong pagcamoót; siring man acó na inotob co an magña togon nin sacong Ama, asin nagdadanay acó sa saiyang pagcamoót.
11 An magña bagay na ini sinabi co sa saindo, ta gñaning an sacong caogmahan mapa saindo, asin an saindong caogmahan magcaorotob.
12 Iyo ini an sacong togon, na camó magcaminorootan an magña iba sa magna cápua, siring can pagcamoót co sa saindo.
13 Day nin si-isay na may pagcamoót na omorog på cadaculâ caini, na ibugtac an saiyang buhay dahel sa saiyang magna catood.
14 Camó iyo an sacong magña catood cun guibohon nindo an pinagboboót co sa saindo.
15 Day co na camó aapodon na magña oripon; huli ta an oripon day nacacaisi can guiniguibo can saiyang Cagurangnan :
