1 Ining magña bagay sinabi co sa saindo ta gñaning day camó magcahorolog.
2 Camó papaluason sa magña sinagoga; tará magdadatong an oras na si-isay man na gumadan sa saindo, magtutubod na nag-guibo nin paglilincod sa Dios.
3 Asin guiguibohon ini ninda sa saindo, huli ta day namimidbid an Amâ, asin acó man.
4 Tará ining magña bagay na ini sinabi co sa saindo, ta gñaning cun domatong an oras, macaromdom camó caini, asin cun nápâno an pagcasabi co saindo caining magna tataramon. Asin ining nagña bagay day co sinabi saindo sa capinonan, huli ta acó nasa saindo.
5 Alagad gñunian padudumán acó sa nagsogó sa sacò; asin si-isay man sa saindo day nin naghahapot sa sacô, ¿Saén ca padudumán?
6 Condî huli ta sinabi co sa saindo ining magña bagay, napanô nin camondoan an saindong puso.
7 Alagad, sasabihan co camó nin catotoohan; Maninigó sa saindo na acó padumán: huli ta cun acó day padumán, an Para-ragña day padidigdi sa saindo; tará cun acó padumán, padidigdihon co sia saindo.
8 Asin pagpadigdi nia, susudyaón an quinâban dapit sa casalan, asin sa catanosan, asin sa paghohocom:
9 dapit sa casalan, huli ta day nagtuturubod sa saco;
10 dapit sa catanosan, huli ta acó paduduman sa Ama, asin day na acó nindo mahihiling;
11 dapit sa paghohocom, huli ta an principe caining quinâban hinocomán na.
12 Igua pa acú cutáng dacol na isasabi sa saindo, alagad day nindo gñunian matitios.
13 Tara an pagdigdi caidtong Espiritu nin catotoohan, sia
