24 Sagcod gñunian day pá camong hinahagad na anoman sa gñaran co: magharagad camó asin aacoon nindo, ta gñaning an saindong caogmahan maotob.
25 Ining magña bagay sinabi co sa saindo sa magña halimbauâ alagad magdadatong an oras na day na acó magtatarám sa magña halimbaua, cundi ipapahayag co sa saindo nin malinauon an magña bagay nin sacong Amà.
26 Sa aldao na idtó maghaharagad camú sa gñaran co; asin day acó nagsasabi sa saindo na acó maquiquimaherac sa Amá dahel sa saindo;
27 huli ta an Amâ man namomoót sa saindo, huli ta namoót camó sa sacô, asin nagturubod camó na acó hale sa Dios.
28 Acó halè sa Ama, asin napadigdi acó sa quinában; babayaan co liuát an quinában, asin padudumán acó sa Amá.
29 Na nagsarabi saiya an saiyang magña discipulo, Uya, ta gñunian na nagtatarám ca nin malinao, asin day ca nagtatarám nin anoman na halimbauâ.
30 Gñunian mi namidbid na naiisihan mo an gabos na magña bagay, asin day ca nagcacaipo na si-isay man maghapot saimo caya minatubod cami na halê ca sa Dios.
31 Sinimbag sinda ni Jesús, ¿Minatubod dao camó gñunian?
32 Uya, an oras madatong, asin nagdatong na, na camó mag-cacauararac, balang sarò sa saiyang sadiri, asin babayaan nindo acó na mag-saro-sarò; asin alagad day man acó mag-sasarô-saró, huli ta an Amá uya sa saco.
33 Ining magña bagay sinabi co sa saindo, ta gñaning sa saco magcaiguá camó nin catiuasayan. Sa quiniban magcacaiguá camó nin camondoan; alagad pacosogon nindo an saindong boót; nadaog co an quinában.
1 Ining magña bagay an tinarám ni Jesús; pacatapus itinagñad an magña matá sa lagñit, na nagsabi, Ama, an oras nagdatong na pamurauayan mo an saimong Aqui, ta gñaning an saimong Aqui pamurauayan ca man :
