21 Tádao ta acó an hinahapot mo? hapoton mo idtong magña nacadagñog sa sacó, con ano an sinabi co sainda: uya sinda digdi nacacaisi can sinabi co.
22 Asin pacasabi caini, sarô nin si magña alguacil na dudumán, tinaplong si Jesús, na nagsabi, Siring an pagsimbag mo sa cahorohalangcao na sacerdote?
23 Sinimbag sia ni Jesús, Cun maraot an pagcatarám co, tauán mo nin patotoo an carâtan: tará cun marahay, ¿tádao ta quinocologan mo acó?
24 Si Annás, sa catapusan, ipinadará sia na gapos qui Caifás na cahorohalangcao na sacerdote.
25 Asin si Pedro dudumán nacatindog na nagpapaimbong. Nagsarabi gñani saiya, ¿Bacong icá man saro nin si saiyang magña discipulo? Sia nagpainda, asin nagsabi, Bacó acó.
36 Nagsabi an saro nin si magña oripon ni cahorohalangcao na sacerdote, pinsán caidtong pinalogñan ni Pedro nin taligña, Bacong icá an nahiling co sa huerto na caiba nia?
27 Si Pedro gñani nagpainda liuát: asin tolos man saná tominoraoc an saróng manoc.
Si Jesús sa atubang ni Pilato.
28 Dinará gñani ninda si Jesús paghalé sa harong ni Caifás sagcod sa hocoman: na maatab pâ: asin sinda day nagralaog sa hocoman, ta gñaning day magcaorolaquitan, cundi an magcaracan sa pascua.
29 Si Pilato gñani nagluás sa sainda asin sinabihan sinda: Anóng sombong an dará nindo tumang sa tauong ini?
30 Nagsirimbag asin nagsarabi saiya, Cun an tauong ini bacong maraot, day mi cutâna sia itinaó saimo.
31 Sinabihan sinda gñani ni Pilato, Cuaon nindo sia, asin hocoman nindo siring sa saindong ley. Nagsarabi saiya an magña Judio, Day maninigo sa samo na mag-gadan sa quiisay man:
32 ta gñaning mnaotob an tataramon na sinabi ni Jesús, na ipinamimidbid cun sa anóng cagadanan sia magagadan,
