An paglobong qui Jesús.
38 Pacatapus caini, si José na tagá Arimatea, na discipulo ni Jesús, bagá man hílom saná sa catacutan sa magña Judio, naquimaherac qui Pilato na togotan sia na mahalê an hauac ni Jesús: asin itinogot saiya idtó ni Pilato. Napadumán gñani, asin hinale an hauac ni Jesús.
39 Nagdatong man si Nicodemo, idtó na sa capinónan napadumana can bangui qui Jesús, na may darang saróng pinagsalác na mirra asin acibar, na may sangatos na libra an gabát.
40 Quinuá gñani an hauac ni Jesús, asin pinatós ninda sa magña tamong, na may pahamót, siring sa pinagcaugalean nin magña Judio sa paglobong.
41 Asin dumán sa lugar na pinagpacuan, may saróng jardin, asin sa jardin, saróng bagong lolóbgñan, na day pa dumán na ilinobong ni si-isay pa man.
42 Dihan gñani ibinugtác si Jesús, dahel sa caaldauan nin Paghahanda nin magña Judio; huli ta an lolóbgñan haraní.
CAPÍTULO XX.
An pagcabuhay tiuát.
1 Can naenot na aldao nin semana napadumán na maatab pá si Maria Magdalena, na madiclóm pa, sa lolóbgñan, asin nahiling nia an gapóng hinalê na sa lolóbgñan.
2 Nagdalagan gňani, asin napadumán qui Simón Pedro, asin sa saróng discipulo, na namomotan ni Jesús, asin sinabi. han sinda, Hinalê an Cagurangnan sa lolóbgñan, asin day mi naiisihan cun saén sia ibinugtac.
3 Naglacao gñani si Pedro, asin idtong saróng discipulo, asin nagdurumán sa lolóbgñan.
4 Asin nagdaralagan an duá; asin an saróng discipulo macosóg domalagan qui Pedro, asin naenot domatong sa lolóbgñan;
5 asin can dominoco sia, naliling si magña tamóng na nacaapón; tará day sia neglaóg.
