saimong camót, asin ilaóg mo sa sacong caguiriran: asin bacong
day ca magtubod cundi tumubod ca.
28 Nagsimbag si Tomás, asin nagsabi saiya, Cagurangnan co, asin Dios co.
29 Sinabihan sia ni Jesús, Huli ta nahiling mo acó, Tomás, nagtubod ca: Magña paladan idtong magña day nacahiling, asin alagad nagturubod.
30 Sa catapusan, ibang balaquidon na magña tandâ guinibo ni Jesús, sa atubang nin saiyang magña discipulo, na magña day nasusurat sa librong ini :
31 alagad ini magña nasusurat, ta gñaning magturubod camo na si Jesús iyó an Cristo, an Aqui nin Dios; asin sa saindong pagturubod, magcaiguá camó nin buhay sa saiyang gñaran.
CAPÍTULO XXI.
Pagpahiling ni Jesús sa tampi nin dagat
nin Tiberias.
1 Pacatapus caini, nagpahiling liuát si Jesús sa saiyang magña discipulo sa caraní nin dagat nin Tiberias; asin napahiling sa siring napangyari.
2 Nagcatiripon si Simón Pedro asin si Tomás, na inaapod na didimo, asin si Natanael na tagá Caná sa Galilea, asin an duáng áqui ni Zebedeo, asin duá pa nin si saiyang magña discipulo.
3 Sinabihan sinda ni Simón Pedro, Mamiminuit acó, sinda nagsabi saiya, Cami man maibá saimo. Nagharalê grani, asin nagralaóg tolos sa saróng sacayán; asin an banguing iyán daing nabinuitan sinda na anoman.
4 Tará can pagcaága-na, si Jesús napadumán sa baybay: alagad an magña discipulo day nin pacaisi na iyó si Jesús.
5 Sinabihan sinda gñani ni Jesús, Magña áqui, iguá dao camóng anoman na macacán? Nagsirimbag saiya, Day.
6 Asin sia sinabihan sinda, Iholog nindo an hicot sa toong caguiriran nin sacayán, asin macacucuá camó. Hinolog gñani, asin day na ninda nagogoyod sa sainda, dahel can cadaclán nin magña sira.
