MAGÑA APÓSTOLES 9.367
20 Asin pacatapus ipinanghulit nia sa magña sinagoga si Cristo, na nagsasabi na ini iyo an Aqui nin Dios.
21 Asin an gabos na magña nagdadaragñog saiya, nagcatiricbahan, asin nagsarabi, Baco ini idtong nasa Jerusalem na linalaglag an gabos na nag-aapod can Gñaran na ini? asin digdi man napadigdi dahel gñani can bagay na ini, ta gñaning ihatod niang gapos sinda sa atubang nin magña poón niñ magňa sacerdote?
22 Si Saulo alagad minalabí logod na comosog an boút nia asin riniboc an magña Judio na nasa Damasco, na ipinagpapahayag nia na ini iyo an Cristo.
23 Asin pacalihis nin halauig na magña aldao, an magña Judio nagcasararô na sia ipagadan;
24 alagad an saindang homâ naisihan ni Saulo. Asin sinda pinagbabantayan an magña pinto, aldao asin bangui, ta gagadanon sia.
25 Tará an saiyang magña discipulo, quinuá siang bangui, ibinaba sia sa parel sa sarong alát.
26 Asin pagdatong nia sa Jerusalem, boot siang maquisarò sa magña discipulo: asin sinda gabos nagcacataracot saiya, na day nagtuturubod na sia discipulo.
27 Alagad si Bernabé, quinuá sia, na dinará sia sa magña apóstol, asin binaretâan sinda can pacahiling nia sa Cagurangnan sa dalan, asin ini naquiolay saiya; asin siring man sa Damasco ipinaghulit nia nin maigot an gñaran ni Jesús.
28 Asin sia caiba-iba ninda, na minalaog asin minaluas sa Jerusalem.
29 Asin naghuhulit sa capanarigan sa gñaran nin Cagurangnan. Asin nagtatarám asin naquiquipagsuhay sa magña Grego-Judio: tará sinda naghihirigñoang gadanon sia.
30 Alagad an magña tugang, can maisihan ini, hinatod sia ninda sa Cesarea, asin sia sinogo ninda sa Tarso.
31 Caya nagcaiguá si magña Iglesias nin catiuasayan sa bilog na Judea, asin Galilea, asin Samaria, asin nagtirindog;
