1 Asin si Agripa sinabihan si Pablo, Itinotogot sa saimo na magtarám ca can mapadapít saime. Si Pablo, gñani, hinonát an camót, asin nagpoón siang magsimbag dapit saiya, na sominabi;
2 Dapít can gabos na magña bagay na isinosombong nin magña judio tumang sa saco, oh hadêng Agripa, iquinaoogmá cong daculâ na macapagpahayag acó can sacong catanosan sa atubagñan mo :
3 orog pang gayo na naiisihan mo an gabos na magña ugalê asin magna tataramon na nangyayari sa magña judio: cayâ naquiquimaherac acó sa saimo na dagñogon mo acó nin daculang pacatios.
4 An sacô gñaning palacao sa buhay co, magpoón can boróbata pa acó, na magpoón sa capinonan quinauugaléan co sa Bacong magña canación, asin sa Jerusalem, an gabos na magña Judio naiisihan ini;
5 sinda nacacatalastás na magpoón pa can capinônan, (cun boót nindang sacsihan ini), na siring sa marigon na secta nin satong religión, nabuhay acó sa pagca Fariseo.
6 Asin gñunian, dahel sa panarig co can panugâ na guinibo. nin Dios sa satong magña magurang, inapod acó sa hocomán.
7 na sa panugá na ini an satong cagduáng tribu,* na nagdaranay sa paglincod sa Dios, sa aldao asin sa bangui, maghabaralat sinda na sa siring na aldao magdadaratong. Asin dapit sa panarig na ini, oh hadêng Agripa hohocomán acó nin magña judio.
8 Tadao ta pinaghonáhonâ nindo na day maninigong pagtubudon na bubayon liuat nin Dios an magña tauong gadan?
9 Acó sa catotoohan nacaisip sa sacô man sanang maggui bong balaquid na magña bagay na tumang sa gñaran ni Jesús na tagá Nazaret,
10 Asin guinibo co man ini sa Jerusalem, asin ilinaog co man sa magña bilangoan an magña cadaclan nin magña santos,
- Tribu An cagduáng pageabaragñà can bannang Israel.
