1 Si Pablo, na oripon ni Jesucristo, inapod siyang apóstol, pinili sa paghulit can Evangelio nin Dios,
2 Na ini an ipinanugá caidto nin si saiyang magña profetas dian sa magña casuratan na mahal.
3 Mapadapit can saiyang áqui, na si Jesucristo (na linalang dian sa capagaraquian ni David dapit sa pagcatauo;
4 Na siya ipinagsaysay na manini-áquí nin Dios na may capangyarihan, dahel sa Espíritu nin cahanalan, huli sa pagca- buhay liuat nin magña gadana), ni Jesucristo Cagurangnan ta,
5 Huli sa saiya inacó niamó an biyayá asin an catongdan ó apostolado, sa pagpasonod sa pagtubod sa gabos na magña banuáan sa gñaran niya.
6 Na sa caibahan ninda camo man anan na magña nagñaranan na tauo ni Jesucristo :
7 Sa gabos sa saindo na magña yaon dian sa Roma, magña na monótan nin Dios, na gñinagñaranan na magña banal: mapasaindo an biyayá asin an catoninogñan nin Dios na satuyang Amá, asin ni Jesucristo Cagurangnan.
8 Sa caenotenote nagpapasalamat aco sa sacuyang Dios huli qui Jesucristo dapit sa saindo gabos, na an saindong pagtubod nacacabalagñibog sa bilog na quinában.
9 Háros ta sacsi co an Dios, na sa saiya naglilingcod aco sa sacuyang espiritu dian sa Evangelio nin saiyang áquí, na day mayó nin pagyotong guiniguiromdom co camo sa sacuyang magña pagpamíbí,
