32 Na, nin si pagcatalastasi can paghocom nin Dios sa magña nagñag gagaué can siring na magña bagay na magña magcacanigó can cagadanan, bacó sanang guiniguibo iyan, condi na pinapabayaan pa si magña iba na nagñag guiguibo caiyan.
1 Nin huli caiyan day ca macacapanayuma, oh tauo, sa anoman na tódan mo: háros ta dian sa pinaghonáhoná mo sa iba, nagsâsâlá caman sana sa saymo; huli ta iyan man sana guiniguibo mo, icâ na naghohocom.
2 Háros ta naaaraman niato na anpaghocom nin Dios siring sa catotoohan tumang sa magña nagñag guiguibo can siring na magña bagay.
3 ¿Asin naghonáhoná ica caiyan, oh tauo, na naghohocom sa magña nag guiguibo can siring na magña bagay, asin guiniguibo mo iyan man sana, na ica macacadulag sa paghocom nin Dios?
4 ¿O pinapahamacan mo an magña cayamanan nin saiyang caboótan, asin pacatíos, patín caboyóan nin boot, na day nacacatalastas na an saiyang pagcaboot macacadalan saymo sa paca pagsólsól?
5 Alagad huli can saymong catagasan, asin huli can saymong pusó na day mayó nin pagbosol, minarimpos ca sa saymo man sana nin caangotan duman sa aldao nin caangotan asin nin capahayagan can matanos na paghocom nin Dios;
6 Na siya babayadan an lambang saró caitong togñod sa saiyang magña guibo:
7 Sa magña nagñagdanay sa guibong marhay, nagñaghanap can camurauayan asin caomauan asin day pagcagadan, iyo an buhay na daing hangan.
8 Alagad sa magña parapaquig-iual, asin day nagsonod sa catotoohan, condi na nagsonod sa cabicóan, iyo an cacurihan patin caangotan;
9 An casaquitan patin cahorasáan pagpapásanon nin gabos
