pagsonod nin saró si magña cadaclan maguiguing magña banal ó matanos.
20 Alagad an togon-lominaog tagñaning an casálan magdugang; alagad can si casalan timinobó ó nagdugang, diminacol pang orog si biyaya;
21 Tagñaning siring sa bagay na an casalan nangyari na sa cagadanan, siring man an biyaya mangyari huli sa catanosan na manogñod sa pagcabuhay na daing catapusan huli qui Jesucristo Cagurangnan niato.
1 ¿Tara ano an masasabi niato? Magdadanay quita sa casálan tagñaning an biyayá magdugang?
2 Day maninigó. Háros ta quita si magña nagcagaradan sa casalan papáno na magcaburuhay pa quita guiraray dian caiyan?
3 ¿O day camo nacacaaram na quita gabos na nagcaburuniagan dian qui Cristo Jesús, anan na nabuniagan quita sa pagcagadan niya?
4 Háros anan quitang magña ilinobong sa caibahan niya sa cagadanan huli can pagcabuniagui satuyá; tagñaníng huli ta si Cristo nabuhay liuat sa magña gadana huli sa camurauayan nin Amá, siring man sana magñag-lacao quita sa bagong pagcabuhay.
5 Háros ta con natatanom quita na cairiba dian sa saiya sa cabaing nin si saiyang pagcagadan, siring man sana macacabaing quita sa saiyang pagcabuhay liuat:
6 Na natatalastas ini, na si daan niatong ó sí enot níatong tauo sa caibahan niya pinadupa sa crúz, tagñaning an hauac nin casálan malaglag, gñaning day na quita maglingcod pa sa casálan.
7 Háros ta itong gadana ó nagadan, na hocoman na can casálan.
8 Asin con nagadan man quita sa caibahan ni Cristo, minatubod man quita na mabubuhay quita dían sa saiya;
9 Na naaaraman na si Cristo, huling nabuhay siya líuat sa
