casálan, asin dahelan can casalan, sinilotan niya an casálan dian sa laman;
4 Tagñaning an catanosan nin togon maotob sa satuyá, na day quita maglacao ó mabuhay siring sa laman ó hauac, condi siring sa espíritu.
5 Huli ta an magña nabubuhay na siring sa laman sinda, si magña bagay na anan na sa dapit sa laman ó hauac an pinagguiguibo ninda; alagad an magña siring sinda bilang sa espíritu, si magña bagay man na dapit sa espíritu.
6 Huli ta an caisipan ó boot nin hauac iyo an cagadanan; alagad an boot can espiritu iyo an pagcabuhay asin catoninogian:
7 Háros ta an boot nin laman iyo an paquigiual sa Dios; huli ta day minapasacop sa togon in Dios, asin day man macacahimo ó mangyayari.
8 Cayá na an magña nasa sa laman day macacapasonó sa Dios.
9 Alagad camo day nasa sa laman, condi nasa sa espíritu, con baga an Espíritu nin Dios nagoontoc dian sa saíndo. Asin con ígua nin saró na mayó nin Espíritu ni Cristo, an siring na tauo bacong rogaring niya.
10 Alagad con si Cristo yaon dian sa saindo, an hauac sa catotoohan gadana dahelan can casálan; alagad an espíritu buhay dahelan can catanosan,
11 Asin con an Espíritu caitong bominagñon sa magña gadana qui Jesús nagoontoc dian sa saindo, itong bominagñon cay Cristo Jesús sa magña gadana, papabuhayon man an saindong magña hauac na magagadanon huli can Espiritu niya na nagoontoc dian sa saindo.
12 Con cayá, magña tugang, anan quitang magna may utang, bacong sa lamam, gñaní quitang mabuhay nin siring sa laman:
13 Háros ta con baga mabubuhay camo nin siring sa laman ó sonod sa laman, magcacagaradan camo; alagad con huli can espíritu pogolan nindo an magña gaué-gaué nin laman ó hauac, mabubuhay camo.
14 Huli ta gabos itong magña nagcucuyog sa espiritu nin Dios, an magña siring, sinda magña áquí nin Dios.
