12 Magña maogmahon sa paglaom; magña matíos sa casaquitan; magña paradanay sa pagpamibí;
13 Na maquisomaró sa magña caipuhan ò caculagñan nín magña Santos; padagoson an pagpasacat.
14 Pagomaua nindo an magña nagpapasaquit sa saindo: pagomaua nindo, asin day nindo pagpacaraoton.
15 Magñagogma camo sa caibahan nin magña nagoogma: pagtagñis camo sa caibahan nin magña nagtatagñis.
16 Magcasararó sana camo nin boot sa saindo man sana: bacong magña palalangcauon, condí na maquipagsonó camo sa magña mahoyó. Day camo magñagpacadonong sa saindong magña caisipan.
17 Day camo magbalos caysay man nin maraot sa maraot; higñoahon nindo itong marhay sa atubang nin magña tauo gabos.
18 Con mahihimo lambang maaagod nindo, gomibo camo nin catoninogñan sa gabos na magña tauo.
19 Day camo magpasurusurudiá sa saindo man sana, magña namomotan co; condi na tauan nindo nín lugar ó palihison an caangotan; háros ta nasusurat: Sa sacuyá an pagsigñil: aco nagbabayad, olay nin Cagurangñan.
20 Cayá na, con an saymong caiual maypagcagotom, tauan mo siya nin cacanon; con napapahá, taué nin inoinon: na con guibohon mo ini, magña baga nin calayo an tinatambac mo sa ibabao can saiyang payo.
21 Day ca magpadaog sa carátan; condi na daogon mo can carabayan an maraot.
1 An gabos na calag cuinuyog sa magña capangyarihan na baralangcauon; háros ta mayó nin capangyarihan condi halé sa Dios; asín an magña sa Dios anan na magña husay.
2 Cayá na, itong minasubay sa capangyarihan, sa pagboot nin Dios minatumang: asin si magña nanunumang, sinda man sana nacacacua can silot sa sainda.
3 Háros ta an magña Magistrados bacong mani catacutan
