magcaigua camo nin dacol manogñiod sa gabos na guibong marhay:
9 Siring sa nasusurat: Pinabolos, tinauan an magña daing sucat; an saiyang catanosan nagdadanay sa guiraray.
10 Asin an nagtátao nin banhi sa nagsasabuag ó nagtátanom, magtátao man nin tinapay na cacanon, asin papadacolon ó papatobóon an saindong tatamnan, asin papadugagñon an magña pagtobó nin magña bugña nin saindong catanosan;
11 Tagñaning payamanon camo sa gabos sa manognod sa anoman na pagcarahay, na iyan nacacaheró sa satuyá sa pagguibo nin pagpasalamat sa Dios.
12 Háros ta an paguaras can pagtabang na ini, bacó sanang gayo nacacadagdag can nagcuculang sa magña santos, condi man nagdadacol sa balaquid na magña pagguibo nin pagpasalamat sa Dios;
13 Na huli sa pacamasid can paguaras na ini nagpapamurauay sa Dios huli can pagsonod na guiniguibo ó inootob nindo sa evangelio ni Cristo, y huli sa pagcarahay na magarubag sa sainda asin manogñod sa cagabsan;
14 Siring man sana huli sa saindang pamibí manogñod sa saindo, na sinda namomoot sa saindo dahel can halangcauon na biyayá nin Dios dian sa saindo.
15 Salamat sa Dios huli can saiyang balaog na day sucat icapagsaysay.
1 Alagad aco si Pablo, naquiquimaherac aco sa saindo huli can cahoyoan asin cabinían ni Cristo, aco na con nasa sa atubagñan sa catotoohan hababáon dian sa saindo, alagad con. daday ó barayó ipinaniniualá aco ó naniniualá aco dian sa saindo.
2 Cayá naquiquimaherac nangayod aco, na con didiau aco sa atubang, day aco mapirit na bomasang dahel sa panarig na pinagmamauot co na magisip manogñod sa magña nagcacapira, na naghohoná sa samuyá na cami naglalacao agñay ó siring sa laman
