5 ¿Day camo nacacaguiromdom na nin si didian pa aco sa saindo, sinasabi co iyan sa saindo?
6 Asin gñunian camo nacacatalastas can nacacaolang, tagñaning sa capanahonan niya mahayag.
7 Háros ta nangyayari na an gñagñalasan na hilom ó misterio nin cararátan: naghahalat na sana sagcod na haléon dian sa tahao an nacacaolang gñunian;
8 Asin con siring dagñan mahahayag itong bicó, na siya gagadanon nin Cagurangnan can espíritu nin si saiyang gñosó, asin roronoton can banáag nin saiyang pagdatong;
9 Itong bicó, na si saiyang pagdatong nangyari siring sa lalang ó guibo ni Satanás, sa daculang cabagsican, asin magña tandá, patin magña milagros na caputican,
10 Asin sa gabos na dayá nin cabicóan sa magña nagcacaralamos ó nagcacagaradan; huli ta day nagñagcamit can pagcamoot sa catotoohan ta gñaning magpacaligtas.
11 Cayá, nangayod, pinadarhan sinda nin Dios can guibong caribogñan o pagculagalag, tagñaning tonobod sa caputican;
12 Tagñaning anan na silotan si gabos na day nagñagturubod sa catotoohan, condi nagñagpabayá sa cabicóan ó carátan.
13 Alagad cami naninigó guiraray na magpasalamat sa Dios huli sa saindo, magña tugang na namoinótan nin Cagurangnan, na an Dios pinili camo magpoon can capinónan manogñod sa carahayan, huli can camahalan nin Espíritu asin pagtubod sa catotoohan:
14 Na dian caiyan inapod camo huli can samuyang evangelio, sa paca pagcamit can camurauayan nin Cagurangnan tang Jesucristo.
15 Cayá na, magña tugang, magñagdanay camo, asin rimposa nindo an tocdó na nanódan nindo, minsan sa tataranon, ó minsan sa samuyang surat.
16 Asin an Cagurangnan ta man sanang Jesucristo, asin Dios na Amá niato, na siya namótan quita, asin nagtao sa satuya can daing hangan na caragñahan, patin marhay na paglaom huli sa biyayá,
17 Ragñahon an saindong magña pusú asin pacarigonon camo sa gabos na marhay na tataramon asin guibo.
