mo nin catanosan, asin sagüéon mo, batolan mo sa bilog na pacatíos asin pagtotocdó.
3 Háros ta madatong an panahon con day na macacatíos can macacaomay na pagtocdó; condí, na con maghihimoyauot na maghinaniog, magcacatarambac an magña maestros ó inagtotoedó siring sa saindang magña paghorot na maraot,
4 Asin ípaghaharayó sa catotoohan an pacadagñog, asin na magbabaralic sa magña fábulas ó togdas na magña osipon.
5 Alagad ica maghigñat ca ó magpuca ca sa gabos, tíoson mo an magña camondóan, guibohon mo an gaué na sa pagcaparahulit can evangelio, otoba an saymong catongdan.
6 Hulí ta aco harani-na na ipagatang, asin an panahon nin sacuyang paghalé haranina.
7 Guinibo co an paquipagiual na marhay, natapus cona si sacuyang catongdan, rinimpos ó inotob co an pagtubod.
8 Huli sa magña iba pang bagay, naaandam sa sacuyá an corona nin catanosan, na iyan itátao sa sacuyá nin Cagurangnan, Juez ó Hocom na natanos, sa aldao na idto; asin bacó sanang sa sacuyá, condi man sa gabos na namomoot can pagdatong niya.
9 Maghigñoa cang pomadigdi nin madalé sa sacuyá,
10 Háros ta si Demas pinabayaan aco, ta namomoot can panahon na ini, asin napaduman siya sa Tesalónica ; si Crescente sa Galacia; si Tito sa Dalmacia.
11 Si Lucas sanang saró an uya sa sacuyá. Cuáa si Marcos, asin darhon mo siya sa caibahan mo; huli ta nacacaipuhan co manogñiod sa catongdan.
12 Si Tychico isinobol co sa Efeso.
13 Darahon no, con domigdi ca, si capote na naualat co duman sa Troas sa harong ni Carpo: asin si magña libros, orog nang gayo si magña pergaminos.*
14 Si Alejandro na panday sa lausang (calderero) guinibo- han aco nin dacol na magña caratan: tatauan siya nin Cagurangnan nin magcacanigó sa saiyang magña guibo.
