608SANTIAGO 3.
1 Magňa tugang co, day camo maguing dacol na magňa paratocaó, ta naaaraman nindo na magcacamit quita nin orog ca daculang silot.
2 Háros ta quita gabos nacacapaangot sa balaquid na magua bagay. Con an saró day nacaca paangot sa pagtataram, ini iyo an lalaquing mahusay, na nacacapogol nin matanos can bilog na hauac.
3 Iyo baga ini quita na binubugtacan niato nin magña pamogol ó gacod dian sa magña gñosó nin magña cabayó tagňaning cumuyog sa satuyá, asin pinagbobótan niato an bilog nindang hauac.
4 Hiligña man nindo an magña sacayan: minsan magia dadaraculá, asin nadádara nin inacocosog na magña doros, napapagbótan ó napopogolan nin sarong saditon na olín ó timon con sain binoboot nin si nagpapalacao sa sainda.
5 Siring man, an dilá saró siyang cabtang na sadit, asin nananagsag sa magña daraculaon na magña bagay. Uya man, na an sarong sadit na calayo; gurano ca daculá an bolod na sinosoló !
6 Asin an dilá saró iyan na calayo, sarong quinában nin carátan. Cayá an dilá namumugtac sa satuyang magña cabtang, na iyan nacacaolaquit sa bilog na hauac, asin minalaad an rueda nin paglalang, asin pinapalaad nin infierno.
7 Háros ta an gabos na caugaléan nin magña hayopau ó pagcabuhay nin magña hayupan, asin nin magña gamgam, asín nin magña alas, patin nin magña linalang sa dagat, pinapasocó asin napapasocó can bagsic nin tauo:
8 Alagad day nin siysay man na tauo na macacapasocó can dilá, na saró iyan na maraot na day mapopogolan: panó nin rara ó camandag na macacagadan.
9 Huli can dila ó sa dila nagoomao quita sa Dios asín Amá, asín an dilá tinataraman niato nin maraot an magña tauo, na iyan anan na guinibo sa cabaing nin Dios.
10 Sa saró sanang gñosó naghahalé an pagomao asín an pagpacaraot. Magña tugang co, day magcacanigó na ining magña bagay na ini guibohon nin siring.
