11 Cayá, huli ta an gabos na magña bagay na ini anan na magcacaralaglag, ¿anong magña bagay an maninigó sa saindo condi na camo mamugtac sa magña santo asin banal na pagorolayolay,
12 Na maghalat asin maghumari camo sa pagdatong can aldao nin Dios, na dian caiyan an calagñitan na maglalaad magcacaralaglag, asin an magña elementos na magcacasoroló, magcacaturunao,
13 Marhay na naghalat quita nin calagñitan na bago asin dagang bago, siring sa saiyang magña panugá, na dian sa sainda nageeroc an catanosan.
14 Nin huli caiyan, oh magña namomótan, na nasa paglaom camo can magña bagay na ini, higñoahon nindo nin maigot na macua camo niya mayó nin digtá, asin day mayó nin canauayan, nasa catoninogñan.
15 Asin ibilang nindo na carahayan nin buhay an pacatíos nin satuyang Cagurangnan; siring man si satuyang namomotan na tugang na si Pablo, siring sa cadonogñan na itinao sa saiya, sinuratan man camo niya;
16 Malá gñani ta sa gabos niang magña surat, na nagtataram dian dapit can magña bagay na ini; na dían sa magña surat na iyan iguang nagcacapira na mapauoton pagsaboton, na iyan magña iyan si magña mayong inadalan ó cadonogñan asin day nagpapacatagal binibicó ninda, na siring man can íbang magña Casuratan, sa pagcalagalag ninda man sana.
17 Cayá na camo, oh magña namomótan, hinatolan nangayod camo, magña ilinicay camo na huli sa casaláan nin magña macacagñirhat (na magña tauo) day camo macaiba na malagalag, asin na maholog camo ó macabotas camo sa saindong pagdanay.
18 Alagad magtalobó camo logod dian sa biyaya asin pacamidbid sa Cagurangñan niato asin Paraligtas na si Jesucristo. Mapanogñod logod sa saiya an camurauayan gñunian asin sagcod sa aldao na day nin casagcoran. Auot pa.
