madatong, siring man gñunian nagñagpoon nang maguing magña dacul na magña anticristos; nin huli caiyan naaaraman niamo na iyo na si huring panahon.
19 Nagharalé sa samuyá, alagad bacong sadiri niamo; háros ta con baga man sadiri niamo, nagdanay sa catotoohan cutána sa caibahan niamo; alagad nagpanhalé ó nagpanruluas ta gñaning mahayag nangayod na sinda gabos bacong sa samuyá.
20 Alagad camo igua nin pasabong na sa banal ó santo, asin namimidbid nindo an gabos na magña bagay.
21 Day co camo sinuratan nin siring sa nagpapaínda camo can catotoohan, condi siring sa namimidbiran nindo iyan, asin na mayong sarô man na caputican na sa catotoohan.
22 ¿Siysay an paticon condi ito na nagsusuhay na si Jesús iyo an Cristo? Ining tauong siring anticristo ó tumang qui Cristo, na nagpapainda can Amá asin can Aquí.
23 Siysay man na nagpapainda can Aquí, ining siring na tauo day man can Amá. An siysay man na nagboboyboy can Aqui, igua man na pagboboyboy can Amá.
24 Cayá itong nadagñog nindo magpoon can capinónan, magdanay logod sa saindo. Con itong nadagñog nindo poon can capinónan nagdadanay sa saindo, camo man magdadanay dian sa Aquí patin dian sa Amá.
25 Asin ini iyo an panugá, na iyan ipinanugá niya sa satuya, an buhay na daing casagcoran.
26 Sinuratan co camo caini dapit can magña nagdadayá sa saindo.
27 Alagad an lahid na nacamtan nindo sa saiya, nageeroc dian sa saindo, asin mayó camong caipuhan na an siysay man pagtocdóan camo; alagad hulí ta an lahid man sanang iyan nagtotocdo can gabos na magña bagay, asin totoo iyan, asin bacong putic, siring sa pagcatocdó sa saindo, magñag danay camo dian caiyan.
28 Asin gñunian, magña áquing sadagñoton, magdanay nangayod camo dian caiyan; tagñaning con domatong na, magcaigua quita nin capaníualáan, asin day quita maribong sa saiya sa pagdatong niya.
