16 Asin igua sa may totoo nia nin pitong bitoon: asin sa saiyang gñoso naglúluas an sarong espada na mapanas na iguang duang tarom. Asin si lalaugon nia siring baga sa aldao con minaliuanag nin macuri.
17 Asin can pagcahiligña co sa saiya, natumba aco na siring sa gadan sa saiyang magña bitis. Asin siya idinoon si totoo niang camot sa sacuyâ, na pinagsabihan aco: Day ca matacot: aco iyo an capinônan asin an catapusan;
18 Asin aco an nabubuhay asin nagadan aco; asin uya digdi na nabubuhay aco sa magña panahon nin magna panahon, Auot pa. Asin uya sa sacuya au magña llaves ó panbucas can infierno asin can cagadanan:
19 Suratan an magña bagay na naquita mo, asin an magña bagay gñunian, patin an magña mangyayari gñapit pacalibis caining magña ini:
20 An gñagñalasan na cahologan can pitong bitoon na naquita mo sa may totoo co, patin si pitong candeleros na magña bulauan. An pitong bitoon iyo si magña ángeles can pitong Iglesias; asin si pitong candeleros na naquita mo, iyo si pitong Iglesias.
1 Suratan mo an Angel can Iglesia sa Efeso: Itong igua nin pitong bitoon sa totoo nia, na sia naglalacao sa tagñâ nin si pitong candeleros na bulauan, isinabi an magña bagay na ini:
2 Aco nacacatalastas can saymong magña guibo, asin can capagalan mo patin pacatios; asin na ica day mo matitios an magña maraot, asin pinagbaralô mo si magña nagsasarabi na anan sindang magña apóstoles, asin ta magña bacô, patin pinangñaranan mo sinda na magña puticon;
3 Asin nagtios ca, asin nacatíos ca, patin nagpagal ca huli sa gñaran co, patin day ca nagmaluya.
4 Alagad aco igua nin nasálan saymo huli ta pinabayaan mo si saymong enot na pagcamoot.
5 Cayá guiromdoma nangayod con baga sain ca naholog, asin magsolsol ca, asin guibohon mo an magña enot na guibo
