16 Ngan sugad man sira amno an mga iginsabwag sa mga kabatoan, nga sa pakabati nira san polong, sa gilayon kinarawat nira siya nga malipayon.
17 Ngan waray siu gamut sa ira kalugaringon, kondi sa gutiay nga panahon la; niyan kon umabut an kagol-anan, o pamokod tungud san polong, sa gilayon makakaagi sira sin katigayonan sa paghipakdol.
18 Ngan an iba amo an iginsabwag sa mga kasapinitan; ini amo an mga nagpakabati san polong;
19 Nğan ginsudlan sira san mga pangarit san kalibutan, ngan san limbong san mga mangad, ngan san karuyag nahatungud sa iba nga mga butang, nalumsan an polong, ngan waray magmabungaon.
20 Ngan ini amo an iginsabwag sa tuna nga maopay: an mga nanmamati san polong, ngan ira ginkarawat, ngan ibinunga an usa, katloan; an usa, kaunman; ngan an usa, usa ka gatus.
21 Nagising man siya sa ira: " Gindadara ba an suga, basi nga ibutang sa ilarum san taraksan, o sa ilarum san higdaan? ¿Diri ba, basi nga ibutang sa burotangan san suga?
22 Kay waray ano man nga tinago kon diri igpapadayag; bisan ano nga tinago, kondi basi nga mapahayag.
23 Kon sin-o an may mga talinga sa pamati, mamati.
24 Ngan nagsiring man siya sa ira: "Pag-andam kamo san iyo pinamamatian; sa suruklan nga iyo igsukul, pagsusuklon sa iyo; ngan kamo nga namamati, pagdudugangan kamo.
25 Kay an may ada, sa iya ihahatag; kondi an waray, bisan pa an iya pagkukuhaon sa iya.”
26 Nagsiring man siya: "Amo man an ginhadian san Dios, sugad nga kon an usa ka tawo igsabud niya an binhi sa tuna.
27 Ngan komatorog, ngan magbangon sa gab-i; ngan sa adlaw, ngan an binhi maturuk, ngan magtitinubu, nga waray niya hibaroi kon naoonano.
