nga isda ; ngan san humangad sa langit , nagpasalamat sa Dios :
ngan ginpinitpinit niya an mga tinapay , ngan iginhatag niya
sa iya mga tinon-an, basi ibutang sa atubangan nira ; ngan
ginbahinbahin an duha nga isda sa ira ngatanan.
42 Ngan nangaon -an ngatanan, ngan nagkabubusug.
43 Ngan nakaghimos sira san mga pinit sin napulo kag duha nga singlot nga puno ; ngan san mga isda.
44 Ngan an mga nangaon san mga tinapay may ada mğa lima ka ribo ka tawo.
45 Ngan sa gilayon nga ginlugus niya an iya mğa tinon -an sa pagsakay sa sakayan, ngan mapakadto sa tabok sa atuba ngan sa Betsaida, san napapanguli pa siya san mğa katawohan.
46 Ngan san pinapapanguli na niya sira, nakadto siya sa bukid sa pangaraba.
47 Ngan san naabut na an kakurolpon , dididto an sakayan sa butnğa san dagat, nğan siya la an sa tuna.
48 Nğan nakita niya sira, nga nagpipinangaud kay sungsung nira an hangin. Ngan san may ada ikaupat nga agma san gab-i , nakadto siya sa ira, ngan naglalakat sa bawbaw san dagat ; ngan buut niya sira ligaran.
49 Ngan sira san paghikiti sa iya, nga naglalakat sa bawbaw san dagat, nakahunahuna sira nga usa nga balo, ngan nangugliat sira.
50 Kay sira ngatanan nakakita sa iya, ngan nagkalilisang. Ug sa gilayon nakighimangraw siya sa ira, ngan nagsiring sa ira : " Magkalipay kamo ; ako ini ; diri kamo magkahadluk."
51 Ngan sinakay siya sa ira sa sakayan, ngan inokoy an hangin. Ngan nanhipausa sira sin daku gud, sa sulud sa ira kalugaringon, ngan nanhitingala sira.
52 Kay waray sira sumabut san nahatutungud sa mga tinapay ; kay mga magtig-a an ira mğa kasingkasing.
53 Ngan san pakatabok, inabut sira sa tuna sa Genesaret, ngan dinoong sira didto.
54 Ngan san panhawas nira sa sakayan, gilayon nakilala siya san mğa katawohan .
55 Ngan ginlibut nira didto an ngatanan nga katutunaan , ngan nagtikang sira pagdara sa mga duyan san mga masakit, kon diin nira hibatii nga aadto siya.
