32
14 Kondi san pakakita sito ni Jesus, nasina siya, ngan siniring sa ira : "Tuguti an mga kabataan pagkadi sa akon, ngan ayaw sira pagdid-i, kay an ginhadian san Dios sa mğa sugad sa ira.
15 Matuud, ako nasiring sa iyo, nga bisan sin -o an diri kumarawat san ginhadian sa langit sugad san usa nga bata, diri gud makakasulud didto.
16 Ngan san iya pangogusa , iya pinanbendisionan sira, ngan inamutang an iya mga kanut sa ira.
17 Nğan san naglilinakat siya sa dalan , dinalagan an usa sa iya, ngan linohod sa iya atubangan, ngan napakiana sa iya: Maopay nga Magturutdo, ¿ ano an akon bubuhaton nga makapanunud ako san kinabuhi nga waray katapusan?"
18 Ngan si Jesus siniring sa iya : " Kay ano an pagtawaga mo sa akon nga maopay ? Waray usa nga maopay , kondi usa la, an Dios.
19 Maaram ka san mga sogo : Diri ka magpatay ; diri ka manlibog ; diri ka mangawat ; diri ka magsaksi san bowa; diri ka manlimbong ; tahoron mo an imo amay, ug an imo iroy."
20 Ngan siya siniring sa iya: Magturutdo, ngatanan
ini nga mga bagay akon binabantayan tikang san akon
pagkabata.
21 Ngan si Jesus , san pagkulaw sa iya , hinigugma siya , ngan siniring sa iya : "Usa nga bagay an kinahanglan sa imo : lakat, ibaligya an ngatanan nga imo, ngan ipanhatag sa mga kablas, ngan ikaw may maada mangad sa langit; ngan kadi, sunud sa akon
22 Kondi san paghiusbo sini nga polong, siya binulag nga masarub-on , kay siya usa san damu nga mga kalugaringon.
23 Ngan san panginano, si Jesus siniring sa iya mğa tinonan : " Sa ano nga kakurian sa mga mangarar an pagsulud san ginhadian san Dios!"
24 Ngan an mga tinon-an nanhipausa san iya mğa polong Kondi si Jesus, san pagbaton liwat, siniring sa ira: Mga kabataan daw ano ka makuri an pagsulud sa ginhadian san Dios sadton mga nagsasarig sa mga mangad!"
25 Ito masarosayon pa sa usa nga kamelyo pag-agi sa tarotalinga san dagum. sa mangaran pagsulud sa ginhadian san Dios."
