10 Ngan sa gilayon, san pagsaka niya sa tubig, nakita niya, nga nabuksan an nga langit, ngan an Espiritu, sugad san sarapati, nga nakuysad sa igbaw niya..
11 Ngan inabut in usa nga tingug tikang sa mga langit : "Ikaw amo an akon Anak nga hinigugma; sa imo may ada kalipay ako."
12 Ngan sa kadagmitan ginpagowa siya san Espiritu sa kamingawan.
13 Ngan didto siya sin kapatan ka adlaw sa kamingawan, ngan ginsulay ni satanas ; ngan didto upud san mğa mananap nga magpintas ; ngan an mga sorogoon san Dios nagmamangno sa iya.
An pagtawag sa mga nahauna nga mga tinon-an.
14 Ngan san kabilango na ni Iuan, inabut si Jesus sa Galilea pagwali san Maopay nga Sumat san ginhadian san Dios.
15 Ngan nasiring : " An panahon natuman na, ngan an ginhadian san Dios hahani na : Magbasol, ngan tumoo kamo sa Maopay nga Sumat. "
16 Ngan san naglalakat siya sa baybay san dagat sa Galilea, nahikit-an niya si Simon, ngan si Andres, nga bugto ni Simon, nga naglaladlad san usa nga pukot sa dagat ; kay mğa mangirisda sira.
17 Ngan nagsiring si Jesus sa ira : "Sunud kamo sa akon, ngan hihimoon ko kamo nga mangirisda san mga tawo. "
18 Ngan sa gilayon binayaan nira an ira mga pukot, ngan nanunud sira sa iya.
19 Ngan san pakalakat sa oraonhan , nakita niya si Iakobo, nga anak ni Sebedeo, ngan si Iuan, nga iya bngto, uga nagtatangkup man san ira mga pukot sa ira sakayan.
20 Ngan sa gilayon gintawag niya sira ; ngan binayaan nira an ira amay, nga si Sebedeo, sa sakayan upud san mğa sinohulan, ngan nanunud sira sa orhe niya.
Pagtambal san yawanon sa Kapernaum.
21 Ngan sira sinulud as Kapernaum; ngan sa gilayon sa adlaw nga iparahuway sinulud siya sa sinagoga, ngan nanutdo .
