2 Ngan sa gilayon kadam- an an nagtitirok sa iya ; amo an kasugad nga waray na ngani maigo, bisan pa sa hahirani sa ganghaan, ngan iginyakan niya sa ira an pulong.
3 Ngan nangabut sa iya an pira nga nagadaradara sin usa nga lulid, nga gindadara sin upat.
4 Ngan, san diri sira sadang makahirani sa iya, tungud san kadam-an, gingulhaban nira an atup san tungud niya ; ngan san nabuhuan na, gintonton nira an duyan nga hinihigdaan san lulid.
5 Ngan san nakita ni Jesus an pagtoo nira, nagsiring sa lulid: "Anak, pinasaylo ka na san imo mga sala"
6 Ngan may nanlilingkod didto an iba san mga eskriba, ngan nagpapainoino sa ira mga kasingkasing:
7 " Kay ano nga nagyakan ini sin sugad nga pagpasipara? & Sin-o an sadang makapasaylo sa mga sala, kondi usa la, an Dios ?"
8 Ngan san nasayoran sa gilayon ni Jesus sa iya espiritu, nga nagpapainoino sira sin sugad sa sulud san ira kalugaringon, siniring niya sira : " Kay ano nga nagpapainoino kamo sini nga mga bagay sa iyo mga kasingkasing ?
9 Anano ba an masarosayon an pagsiring sa lulid : Ipinasaylo an imo mga sala ; o pagsiring : Buhat ka, ngan dad-a an imo duyan, ngan lumakat ?
10 Kondi, basi niyo hibaroan, nga an Anak san Tawo may gahum sa tuna sa pagpasaylo san mğa sala (nagsiring sa lulid),
11 Sa imo nasiring ako : Buhat, ngan kuhaa an imo duyan, ngan kumadto ka sa imo balay."
12 Nğan sa gilayon binuhat siya, ngan gindara niya an iya duyan, ngan napakadto sa atubangan san ngatanan ; amo in kasugad nga an ngatanan nanhipausa, ngan ginhimaya nira an Dios, ngan nasiring: "Waray pa gud kita makakakita sin sugad nga buhat."
13 Ngan si Jesus nakadto liwat sa hirani san dagat ; ngan an bug-os nga kadam-an nagkaabut sa iya, ngan iya gintutdoan sira.
14 Ngan, san pag-agi, nakita niya si Lebi, nga anak ni Alpeo, nga nagliliningkod sa buruhisan, ngan siya siniring sa
