isa ka batang nga nagdulog sa dalan, kag humibi sia sing
tuman kasakit.
Nagligad na ang mga tinakna nga si Juli nakalakat, kag ang adlaw tuman na kataas. Si lolo Selo kutob sa bintana naglantaw sa mga tawo nga sa ila mga panapot sa pandot nagkaladto sa banwa sa pagsimba sa misa mayor. Halos ang kalabanan nagbilitbit, ukon nagkalungkong sing isa ka bata nga lalaki ukon babae nga napailisan sang mga panapot nga bagay sa pandot.
Ang adlaw sang pandot sa Filipinas, sunb sa mga tigulang, amo ang pandot nga natuhoy sa kabataan; ang kabataan ayhan wala sing kasubong nga kaisipan, kag sarang mabilang nga sila sa ila balatyagon may kahadlok. Ang nahanabb: ginpamukaw sila sing maaga, ginsibinan, ginpabayban kag ginpaibabaw ang tanan nga bag-o, mataas bill kag malahalon nga yara sa ila, mga sapatos nga sukla, malapad nga mga kalu, mga sobretodo nga dilana, sukla ukon tersyopelo nga wala nila pagkalimti ang apat ukon lima ka eskapularyo nga magagming nga may larawan sang ebanghilyo nga si San Juan, kag tanan ini gindala nila sa misa mayor nga nagdugay sing mga isa ka takna, ginpilit sila sa pag-antos sang kainit kag sang alisngaw sang madamb nga tawo nga nagginutok kag ginbalhas, kag kon wala sila pagpapangadia sang rosaryo sila dapat nga maghilipos, magbalatyag sing kataka ukon indi gani magtulog. Sa tagsa ka hulag ukon kasutilan nga makapahigkb sang ila panapton, isa ka kusi, isa ka pagsaway; gani nga sila wala pagkadlaw kag wala pagbatyag sing kasadya kag mabasa sa ila manipulon nga mga mata ang paghandum sang daan nga mga bayu nga ila gingamit sa matag-adlaw kag ang pagpamatok nga indi makauyon sang may madamb nga borda. Pagkatapos dal-on nila sila sa balay-balay sa pagduaw sa mga himata sa paghaldk sa mga kamot; didto ginpasaot sila, ginpaamba kag ginpabungat sang tanan nga nahibal-an nila nga makapasadya, may luyag ukon wala, masariwaol ukon indi sa ila pagpanapot, nga dalayon ginkust kag gin-akigan kon samtang nagpakita sila sang ila mga nahibal-an. Ang mga himata mahatag sa ila sing mga kwarta nga ginkuha sang mga amay kag gikan sa mga tawo nga sa masunson wala na pagbalik sa paghisayod sang balita. Ang butang lamang nga masami makuha sa pandot amo ang mga
