san, yadto isa ka silot sang langit batok sa mga nagapamatok
sa mga ginapangayo sang iya kumboyahan.
Si Utod Penchang, ang matinuohon nga tigulang nga sa iya balay nag-alagad si Juli, nakasayod sina, nakamitlang sing duha ukon tatlo ka susmariosep! Nanguros Kag sinugponan niya:
— Madamo nga tion nga ginpadal-an kita sang Diwa sina nga mga butang tungod kay kita mga makasasala ukon tungod kay may mga himata kita nga mga makasasala nga sa ila dapat naton itudlo ang pagtuo kag wala naton paghimba.
Ini nga mga himata nga makasasala ang buot singganon si Juliana; sa matinuohon nga babae, si Juli isa ka daku nga makasasala.
— Hunahunaon ninyo nga isa ka pamatan-on nga kalaslon na lang kag indi pa makahibalo magpangadi! Hesus daw ano kalaw-ay! Ang wala’y huya wala pagsambit sang Dios te salve Maria nga wala pagdulog sa es contigo, kag sa Santa Maria nga wala anay pag-antulb sa pecadores, nga sang tanan nga maayo nga kristyanos nga nahadlok sa Dios dapat himuon! Susmariosep! Wala makahibalo sang 'oremos gratiam kag ginmitlang niya nga mentibus ang mentibus! Ang maskin sin-o nga makabati sa iya matuo nga ginahambal niya ang suman nga ibus. Susmariosep.
Kag nanguros nga gin-ugtan kag nagpasalamat sa Diwa nga na gpahanugot nga bihagon ang amay agud nga ang anak nga babae makalwas sa sala kag magtuon sang mga pamatasan nga putli nga suno sa mga kura dapat magpuni sa tanan nga babaeng’ kristyanos. Kag tungod sina pinadayion sia sa pag-alagad, nga wala sia pagpahanugoti sa pagbalik sa baryo sa pagtatap sang iya lolo. Si Juli dapat magtuon sa pagpangadi, magbasa sang mga librito nga ginpanagtag sang mga prayle kag magpangabudlay tubtob matimpusan niya ang duha ka gatos kag kalim-an ka pesos.
Sang mahibal-an niya nga si Basilio nagkadto sa Manila sa pagkuha sang iya mga sinuptan nga igawad kay Juli sa balay diin sia nag-alagad, nagtuo ang maayo nga babae nga ang pamatan-on nga sulogiion madula na niya sing dayon kag ang panulay mapakita sa iya dagway sang isa ka tumoluon.
