Makatalaka kag tanán, daw anó nga katarungan ang yarà sa
librito nga hinatag sa iya sang kura! Ang mga pamatan-on
nga nagkaladto sa Manila sa pagtuón, nagkasamad nga nagkasamad sa tuhay nga mga butáng. Kag sa iya pagtùo nga
malwás niya si Juli ginpasulitsolit niya sa pagbasa sang librito
ni Tigulang Basio Macunat1 nga ginsingganán niya nga mag.
pakigkità sing masunson sa kura sa kombento, katulad sang
ginhimò sang panguna nga babae sa librito nga ginpakahuwaran sang prayle nga tagsulat.
Sa karón ang mga prayle magbaton sing mga pangibulahan: pat-od nga nadaóg nila ang kasabà kag ginhimuslan nila yadto ng pagbihag kay Kabesang Tales sa paghatag sang iya kadutaan sa nag-ayo sa paghimulós, nga walâ sing maskin diutay nga dungóg, bisán diutay nga huyâ. Sang magbalik ang una nga tag-iya kag nakasayod sang mga nagkahanabò. sang makita niya nga sa kamót na sang ibán ang iya kadutàan. ang amó nga kadutàan nga nag-utang sang mga kabuhi sang iya asawa kag anák nga babáe; sang masapwan niya ang iya amáy nga nag-apâ, ang iya isá ka anák nga babáe nga nagalagád bilang sulogùón kag dugangan pa sang isá ka sugò sang Tribunal,2 nga ginpaalinton sang Tenyente sang baryo, sa pagpahaw-as kag pagpabiyà sang iya balay sa sulód sang tatlo ka adlaw, si Kabesang Tales walâ sing ginbungát bisán isá ka tagâ, nagpungkò sa luyó sang iya amáy kag halos makahambal sa bug-os nga adlaw.
__________________
1 Tigulang Basio Macúnat — Isá iní ka tulon-an sa tinagalóg nga sinulatán ni Fr. Miguel Lucio Bustamente, nga pransiskanhon. Sa mga pamihák sang amó nga sinulatán, nga isá ka malip-ot nga nobela, ang Tagsulat nagapanaysayon sang pagpangabuhi nga umanhon nga tuhay sangsa magamó nga yara sa mga siudad; nagapanugyan siá nga ang indyo indi dapat magsunod sa ibán nga manunudio lwás sang prayle, bisán magkuha sang ibán nga kaupod lwás sang karabów. Isá ka tulen-an nga sinapat, nga nagasilíng sa mga pamatanon nga babae, nga magkadto sila sa masunson sa simbahan sang parokya, nga mag-isaisa lamang, sa pagbaton sa prayleng' pari sang "maayo nga mga pagtudlo".....
2 Tribunal—Munisipyo. Tenyente sang baryo — Tenyente sang Alkalde.
