pagabantugón nga madalá ang iya ngalan agúd mangin wala'y
kamatayon siá sa dutà nga sa ulihe masakà sa langit, subong
kay Kapitana Inés sang mga kura, kag namangkot siá sang
Apang si Simoun nangayò sing tatlo ka libo ka pesos.
Ang maayo nga babáe nangurós. Susmariosep!
Binuksan ni Simoun ang ikatlo ka aníb nga sulodlan. Iní napun-an sing mga taknàan, mga pitaka, mga sulodian-pósporo kag mga relikaryo nga natampukán sing mga brilyante kag may mapino kaayo nga mga esmalte nga may mga magagming nga butang nga tuman ka makaililà.
Ang ikap-at ka aníb may mga hilway nga bató, kag sa pagpakità siní, naghagong ang kinibutkibot sa pagdayaw sa sulód sang kadak-an sang baláy; si Sinang nangalintak liwát. kag kinusi na man siá sang iya ilóy nga walâ man makapugóng sa pagsambit sing "Sus Maria!" sa pagdayaw.
Wala pa sing nakakità sang amó nga kadamùón nga manggad. Sa amó nga kahon nga nakuritkoritan sing tersyopelo nga lagtum nga asúl, kag nabahinbahin, nakità nila ang kamatuoran sadto'ng mga damgo sang Isá ka Libo kag Isá ka Gab-i, mga damgo sang mga kalatingalahan nga sidlangánon. Mga brilyante, nga dalagkò katulad sang mga garbansos, nagkinilankilan nga nagpakawas sang mga igpat nga makaililà. nga daw sa matunaw ukón masunog sa dagangdang sang nagkalainlain nga mga duág sang silak; mga esmeralda gikan sa Perú, sa nanuhaytohay nga mga banhay kag tabas, mga rubí gikan sa India, nga mapulá katulad sang tinulô nga dugô, mga sápiro gikan sa Ceylan nga asúl kag putî, mga turkesa gikan sa Persia, mga mutyà nga sidlanganon, nga ang ibán sa ila, may duág nga rosa, daw tinggà kag maitúm. Yadto'ng mga nakakita sa kagab-ihon sang pagbusaag sang isá ka dakû nga kohete sa silong sang lagtum-asul nga langit sa linibo nga silak sa tanan nga duág, tuman kasilaw nga nagpaluspì sang mga igpat sang unáy nga mga bituon, saráng mapanganinaw ang mga igpat nga ginpakità sang unód sang amó nga aníb.
Si Simoun, sa tuyò nga magpadugang sang pagdayaw sang mga nagtalambong, pinanguhà niya ang mga bató sa iya kayumanggi kag maligwis nga mga tudlò nga nagkalipay sa iya kúlod nga kulokatyàon, sa iya mainggat nga pagdaligdig
