nga daw tinulô sang tubig nga nagahatag duág sa balangáw.
Ang mga kilán sang madamò nga mga sikyap, ang pag-isip-isip
sa ila mataas nga mga bili naghatag katingala sa mga panulok.
Si Kabesang Tales nga nagpalapit sa pagtan-aw, kumipot sang
iya mga mata kag nagpalayô gilayón nga daw sa nagsubol
sang isá ka malain nga panghunâhonà. Ang amo kadamò nga
manggad nagpasipala sa iya malaot nga palad; ang amó nga
tawo nagdangat didto sa pagpadayaw sang iya tuman kadakô
nga manggad labí na gid sa tughapón sang adlaw nga siá,
tungód walk sing kwarta, walâ sing mga pangabaga, mabiyà
sa iya baláy nga pinatindog niya sang iya kaugalingon nga mga
kamót.
—Diri may duhá kamó ka brilyante nga maitúm, nga labing dalagkò sa tanan nga makità karón, —hambal sang manog-alahás,— mabudlay silá nga sikyapán tungód nga labing' matig-a ... Ini nga bató nga daw rosa brilyante man, amó man ini'ng lunhaw nga silíng sang kadamòan esmeralda. Ang insik nga si Quiroga nagtanyag sa akon nga baklon niya sa anum ka libo ka pesos nga idulot niya sa isá ka gamhanan kaayo nga babae ... Kag indi kay ang mga lunhaw amó ang labing malahalon kundi iní nga mga asul.
Kag pinain niya ang tatlo ka bató nga indì gid dadagkò kaayo, apang mga mabug-at kag nasikyapán sing maayo, nga may malus-aw nga duág nga asul.
—Bisán nga labí silá kagagming sangsa lunhaw, —padayon niya, nagabilí silá sing pilů. Tan-awá ninyo iní nga amó ang labing' diutay sa tanán, nga nagatimbang sing indi magkapín sa duhá ka kilates, ginbakál ko sing duhá ka pulò ka libo ka pesos kag karón indi ko inâ mahatag kubós sa katlcán. Ginhungód ko ang pagbyahe sa pagbakál sinâ. Ini'ng isá nga nakità sa mga dulangán sang Golconda, nagatimbang sing tatlo ka kilates kag tungâ kag nagabilí kapin sa kapitoán ka libo. Ang Virrey2 sang India, sa isá ka sulát nga akon nabaton sang isá ka hapon, nagtanyag sa akon nga baklon niya sing napulò kag duhá ka libo ka libra esterlina.
Sa atubangan sang tuman kadamò nga manggad, nga natipon sa kamót sang amó nga tawo nga naghambal sa bagay
____________
2 Virrey— Ang nagadalá sini nga título nagagahúm se isá ka pungsod sa ngalan sang hari.
