nga sinadto walâ makapugóng sang "abáw-a!" sa dakû nga katingala.
—Isá ka dalagangan nga bahandi nga natipigan sing maayo kag may mga duhá na ka libo ka tuig.
—Psh!— tugdà gilayón ni Sinang agúd ang iya amáy indi mahulog sa panuláy.
—Tonta!— siling sang amáy kay Sinang nga nakapaiway sang iya nahauná nga kabúlong.— Anó ang nahibal-an mo kon sa sinâ nga kolintas nagikan ang kahimtangan karón sang katilingban? Sa sinâ kuntani nabihag ni Cleopatra si Cesar, si Marco Antonio ... inâ nakabatî sang mainit nga mga pahayag sang paghigugma sang duhá ka dalagkò nga mga hangaway sang iya panahón, inâ nakabatî sang mga tinagâ sa labing pilipog kag labing' matahúm nga linatín, kag karón. luyag nimo inâ nga isablay sa imo liog!
—Akó? Ind akó maghatag sing tatlo ka pesos!
—Sa duhá ka pulò saráng nila mahatag, gaga! —silíng ni Kpna. Tikâ sa paningog nga nakahibaló. —Ang bulawan maayo kag kon tunawon makahimò pa sang ibán nga mga alahas.
—Iní amó ang singsing nga dapat mangin-iya ni Síla,— padayon ni Simoun.
Isá ka singsing nga malapad, bus-og nga bulawan, nga may isá ka selyo.
—Sa sinâ iya nalagdàán ang mga pamatbat sa kamatayon sa panahon nga siá ang diktador, —silíng ni Kpn. Basilio nga nangluspad sa iya pagbatyag.
Kag buót niya usisàon kag kilalahon ang selyo; apang labí nga himùon niya kag palisûlisùon, sanglit walâ niya mahangpi ang palyograpiya,3 wala siá sing nabasa.
—Anó nga sarì sang tudlò ang iya ni Síla! —hambal niya sang ulihe.— Saráng masuk sok Saráng masuksok ang duhá sang aton tudlò; nahambal ko na, nga nagakunhod kitá.
—May madamò pa akó nga ibán nga mga alahas...
—Kon inâ tanán sa amó man nga sarì, salamat.— sabat ni Sinang. Luyag ko ang mga binag-o.
______________
3 Paleogralia- Ang kinaalam nahanungod sa pagkilala sang mga sinulatán nga sinadto.
