Kinalot ni Kabesang Tales ang iya ulo nga lumibóg, sang ulihe ang iya dulonggan kag tinulok niya ang mga babáe.
—May dakû gid akó nga luyag sa sinâ nga relikaryo, sulit ni Simoun. — Luyag mo isá ka gatós ... Limá ka gatós ka pesos? Luyag mo nga bayluhán sing lain? Pili ka sang maluyagan nimo!
Si Kabesang Tales naghipos, kag nagtulok nga nahayanghag kay Simoun nga daw nagpangduhadoha sang iya nabatìán.
— Limá ka gatós ka pesos? — kíbot niya.
—Limá ka gatós ka pesos,— sulit sang manog-alahás sa nagliwát nga tingog.
Kinuhà ni Kabesang Tales ang relikaryo kag kapilá niya hilinghilingon: ang iya mga dungandongan nagpitík sing mabaskog, ang iya mga kamót nagpalangurog. Abi kon mangayò sia sing kapín? Ang amó nga relikaryo saráng sa ila makatabang: labing' maayo nga kahigayunan yadto; kag indi na magbalik ang isá nga subong sinâ.
Ang tanan nga babae nangiláy sa iya nga iya ibaligyà, lwás lamang si Penchang, nga nahadlok nga gawaron si Juli naghatag sing kaisipan nga hugót sa iya buót;
Tipigan ko inâ bilang handumanan ... Ang mga na- kakità kay María Clara sa kombento nasapwan nila nga nag- niwang kaayo, tuman kaniwang nga silíng nila, halos makahambal kag ginapaabót nga mapatay bilang isá ka santa ... Si P. Salví nagahambal sing maayo nahanungód sa iya, nga amó ang iya manogpakompesar. Tungód sinâ si Juli indì maluyag nga magbulág inâ sa iya kundi pakamaayuhon lang niya nga iprenda.
Ang hambal nakahatag sing balatyagon.
Ang handuman sang iya anák amó ang naghawid kay Kabesang' Tales.
—Kon pahanugotan mo akó, silíng niya,— makadto akó sa banwa sa pagsugilanon sa akón anák; karón sa gab-i mabalik man akó.
Iní ginkasugtanan nila kag si Kabesang Tales nagpanaog gilayón. Sang makagwâ na siá sa baryo, nalantawan niya sa
