malayo, sa isá ka alagyan nga nagpasulód sa kagulangan, ang
prayle nga asendero kag ang isá ka tawo nga nakilala niya
nga amó ang nagkuhà sang iya kadutaan. Ang isa ka bana
nga nakakità sang iya asawa nga nagsulód kaupcd sa isá ka
lalaki sa isá ka natagò nga duóg, wala makabatyag sing labí
nga kaakig, bisán labí nga kaimon katulad kay Kabesang'
Tales nga nakakità sang duhá nga nagsulód sa iya mga kaumhan, sa mga kaumhan nga ginpangabudlayán niya kag iya
ginlauman nga ipapanubli sa iya kaanakán. Ginpanan-aw
niya nga ang duhá nagkadlaw, kag naghikay sa iya pagkaluya;
nag-abót sa iya panumdoman yadto'ng iya ginhambal: "Indi
ko pagbuhian ang akon kadutàan kon indi sa isá nga magpatayón sang iya dugo kag maglubóng dirâ sang iya asawa
kag anak nga babae..."
Dumolog siá, tinaklap niya ang iya isá ka pálad sa iya agtang kag kinipot ang iya mga matá; sang humlarón niya, nakita niya ang tawo nga naglulobid sang kadlaw kag ang prayle nagsapnay sang iya buy-on nga daw pinunggan niya nga mabusdik sa kalipay kag sang ulihe nakità niya nga nagtudlò silá sa iya balay kag nagkilinadlaw liwát.
May humagong sa iya mga dulonggan, binatyag niya palibot sa iya agtang ang bagrong sang tagsàon, ang mapulapola nga lambong nagpakità liwát sa atubangan sang iya mga matá, nakita niya liwat ang mga bangkay sang iya asawa kag sang iya anák nga babae, kag sa luyó sang tawo ang prayle nga nagkadlaw kag nagpaninghawak.
Nalimtan niya ang tanán, bumalik siá kag inusoy ang dalan din ang duhá naglakát: amó ang alagyan nga nagpadulong sa iya kadutaan.
Si Simoun nagpaabót sing waáy lawas nga mabalik sa amó nga gab-i si Kabesang Tales.
Sang dumasón nga adlaw sang iya pagbugtaw, nasapwan niya nga ang panit nga tagúb sang iya rebolber walâ na sing unód: binuksan niya kag sa sulód nakita niya ang isa ka papel nga pinìod diín naputós ang relikaryo nga bulawan nga may mga esmeralda kag mga brilyante kag ang pilá ka dalán nga sinulát sa tinagalóg nga nagsiling:
"Magpasaylo ka, ginuo, nga nagdayon ka sa akon baláy. kinuhaan ko ikaw sang butang nga imo kaugalingon; labot pa,
