Mercado, ginatawag kamó sa bug-os nga banwa sang Ka-
lamba ... Natinlòán ninyo ang inyo mga kaumhan, nahalad
ninyo dira ang kinabudlayan sang bug-os ninyo nga kinabuhi, ang inyo mga sinuptan, mga pagpuláw. mga pagpagutomgutom, kag kinuhà inâ tanán sa inyo, pinahalin kamó
sa inyo mga puloy-an kag gindumilian ang ibán sa paghatag
sa inyo sing pangabiabi! Walâ silá maayawi sa paglapas sang
kinamatarong, linapak nila ang balàan nga mga kinaugali sang
inyo pungsod ... Kamó nakaalagád sa España kag sa Harì,
kag sang sa ngalan nila nagpangayo kamó sing katarungan,
kag ginpatapok kamó nga indi na mausisà, pinanglalás kamó
sa mga butkon sang inyo mga asawa, sa mga lalók sang inyo
mga anak... Bisán sin-o sa inyo nakabatás kapin kay Kabesang Tales, kag wala'y sapayán walâ, walâ sing naghatag sing
hustisya ... Walâ sing bisán kalùoy ukón balatyagon nga
tawhanon tuhoy sa inyo kag ginhingabót kamó tubtob kapin
pa sa lulobngan katulad kay Mariano Herbosa Paghibî
ukón pagkadlaw sa mga pulô nga mamingaw diín kamó nagalalasog nga walâ sing ginahimò, nga walâ makasayod kon anó
ang maabután! Ang España, ang
España, ang maalwan nga España
nagabantay sa inyo kag sa madugay ukón madali matigayon
ninyo ang hustisya!'
__________________
4 Ini nga párapo negatubód sing dugo, tungod nga ang tanan nga ginasugid dirí lunsay mga matuod: ang tanan nga ginhinambitán, sang sulatón ni Rizal ini nga nobela, ginpanapok sa mga pulo nga labing' mahigko kag labing' pakok sa Kapuloán sang Filipinas. Nahanungod kay Mariano Herbosa, nga bayaw ni Rizal, tungód nga bayaw siá ni Rizal ginpalubong sa isa ka latagón, katulad sang isá ka idu; sa kabangdanan lamang nga napatay siá sa kólera nga wala magkompesar ukón magtuad!
