ANG IYA TASLANGDON,1 ang Kapitan Heneral kag Gobernador sang Islas Filipinas nagpangayam sa Bosoboso. Apang, sanglit kinahanglan nga malakat sia nga updan sang banda sa musika kay ang amo kataas nga tawo indi dapat nga magkubos sa mga larawan nga kahoy nga gindala nila sa prosesyon, — kag sanglit ang kaluyag sa langitnon nga arte ni Sta. Cecilia wala pa mapalapnag sa mga baboy nga talunon kag mga usa sa Bosoboso, ang Iya Taslangdon nga upod ang banda sa musika kag ang iya guban sang mga prayle, mga militar kag mga alagad indi makadakop sang maskin isa la- mang ka ilaga, ukon isa lamang ka pispis.
Ang nahauna nga mga punoan sang puod nagpanan-aw
na nga daan sang mga pagapahalinon ukon ipanaylo sa iban
nga mga duog; ang kailo nga mga gobernadorsilyo kag mga
kabesa sang baranggay naghiliwasa kag indi makatulog, nga
hinadlukan nga basi makaisip ang langitnon nga manganga-
yam nga sal-ihan sila sa pagkaila sang mga hayop nga apat
sing tiil sa kagulangan, subong sang ginhimo na sang tinuig
nga nagliligad sang isa ka alkalde nga nagpanglagulad nga
nagpapas-an sa mga manogtuwangtowang kay wala sing mga
kabayo nga namanso kaayo nga ikabagay sa iya pagka-tawo.
Wala makulang ang isa ka malain sing tuyo nga hinuring-
horing nga kuno ang Iya Taslangdon pat-od na nga may
himuon nga butang, kay sa sina nakita niya ang nahauna
nga mga kahayagan sang isa ka kinagubot nga dapat punggan
sa iya pagsugod, nga ang isa ka pagpangayam nga wala sing
makuha magapakahuya sang ngalan nga katsila, kag ibp., kag
binutang na niya ang iya mata sa isa ka makaluluoy nga pa-
panaputan niya sang dagway sang usa, sang ang Iya Taslang-
1 Ang Iya Taslangdon — Su Excelencia.
