- 103
sang tanan nila nga nahibal-an sa pagpalutos sa hampang nga
indi mamutikan, sa dakfl nga kaugot ni P. Camorra, nga
bangod kay nag-abot sia, nga isa lamang sa amo nga aga wala
sia makasayod nahanungod sang likum nga hampang nga ila
ginhimb sa Heneral. Ang prayle-artilyero sanglit nagham
pang sing matuodtiiod kag nagbutang sang iya igtalupangod,
nagpalamula kag nagkagat sang iya mga bibig tagsa nga si
P. Sibyla maglisa ukon magsayop sa pagbanta, apang wala
magpangahas sa paghambal tungod sa iya kataha sa dominiko;
sa baylo pinahanungod niya ang iya kaakig kay P. Irene nga
ginbilang niya nga isa ka kubos kag manoghasb kag gintamay
niya sa iya pagkalungoslungos. Si P. Sibyla wala bisan magtulok sa iya, ginpabay-an sia nga magkaakig; si P. Irene, ang
labi ka mapainubuson, naghimulat sa pagpaumod nga kinalot
niya lamang ang iya malaba nga ilong. Ang I. T. nalingaw
kag naghimulos, sa pagka-maayo nga manoghampang nga
ginpakita sang kanonigo, sa mga kasaypanan sang iya
mga kasumpong. Wala pagtalupangdi ni P. Camorra nga sa
ibabaw sang diutay nga latok naghampang ang kauswagan
sang panghunahona sang mga pilipinhon, ang pagtudib sang
kinatsila, kag nahibal-an niya ina, ayhan malipayon nga nagpasakop sia sa hampang.
Paagi sa balkon nga nabuksan sa bug-os niya nga kalabaon, nagsulod ang dupoydupoy, kag nahumlad ang linaw nga ang iya mga tubig nag-ugoy-ugoy sing matam-is sa kunsaran sang balay nga daw naghatag sang iya paghangad. Sa tuo nayon, sa malayb, malantawan ang pulo sang Talim, nga lunsay astil; sa tunga sang linaw kag halos sa atubangan, may isa ka diutay nga pulo nga lunhaw, ang pulo sang Kalamba, wala sing tawo, sa banhay sang isa ka lati: sa wala nayon, ang matahum nga baybayon nga ginpanidsiran sang mga kakawayanan, isa ka bungyod nga nagtamod sa linaw, madason ang malagpad nga mga saburan, sunod ang mga atop nga mapula nga nagpanagil-ot sa malagtum nga lunhaw nga mga kakahuyan, ang banwa sang Kalamba, pagkatapos ang bay bayon nagkipawkipaw tubtob sa malayo, kag sa likod sini, ang langit nagtakop sang gindut-an nga nagtunton sa mga tubig nga naghatag sa linaw sang mga danyag sang lawod
