— Ang Manunodlb sang Tiani, —padayon sang Tiglikum nga nagbaluskay sang pila ka papel, — nagapangayb nga hatagan sia sing maayo nga duog nga..
— Ano pa nga duog nga may isa na sia ka kamarin sa iya lamang kaugalingon? —sal-ot ni P. Camorra nga nagpalapit nga nalipat na sang tresilyo.
— Siling nila nga wala sing atop, — sabat sang tiglikum. — Kag tungod nga nakabakal gikan sa iya kaugalingon nga palhok sing mga inapa kag mga kwadro, indi sia maluyag nga ini mabutang sa idalum sang malain nga panahon...
— Apang wala ako akon sing labot sina, —kumod sang I. T. —Dapat sia magdangop sa Direktor sang Administrasyon, sa Gobernador sang puod ukon indi gani sa Nunsyo...
— Ang buot ko isiling sa imo, —siling ni P. Camorra, — nga ina nga mulomaestro isa ka mabinatukon nga may malain nga buot. Hunahunaon ninyo nga ang erehes nagatudlo nga ang patay madunot man gihapon kon ilubong nga may kadayawan uk6n wala man sina! Sa pila ka adlaw tapungulon ko sia!
Kag si P. Camorra kumuom sang iya mga kamot.
— Kag sa pagsugid sang matuod, —hambal ni P. Sibyla nga daw ginpatuhoy niya sa wala’y liwan kundi kay P. Irene, —ang maluyag magtudlb, magatudlb sa tanan nga bahin, sa duog nga wala’y lipon: si Socrates nagtudlb sa mga plasa sang banwa, si Platon sa mga hardin sang Academo, kag si Cristo sa mga bukid kag sa mga linaw.
— May nabaton ako nga nagkalainlain nga mga panumbong batok sa sina nga mulomaestro, — siling sang I. T. nga nagtulokay sila ni Simoun. —Ang maayo pa nga pauntaton sia.
— Pauntaton! —sulit sang tiglikum.
Naghatag kasakit sa mataas nga alagad ang malain nga palad sang amo nga kailo nga nagpangayb sing bulig kag nasumalang niya ang pagpahalin kag buot niya buligan.
— Ang matuod nga, —bungat niya nga may kahadlok, — nga ang pagtudlb wala pagdugoki sang tanan sing maayo...
— Nakasugb na ako sa pagpain sing madamb nga kwarta nga ipamakal sing mga idadapat, —hambal sang Iya Taslang-
