— Ang matuod nga nag-agi sa tungatonga nga mga pagbinagbinag, —sabat ni P. Sibyla nga may kabugnaw kag daw kinipot niya ang iya mga mata.
Pumakinhol uli sang iya mga abaga ang mataas nga alagad nga daw wala makahangop kon ano nga mga pagbinagbinag yadto.
— Lwas nga ang hingyu indi pa bagay sa karon, —padayon sang dominiko, --lwas nga nagasupak pa sa amon mga kagamhanan...
Wala magpangahas si P. Sibyla sa pagpadayon kag tumulok kay Simoun.
— Ang solisitud may butang nga kalamalamahan, —hingapos sini nga nagtulokay sila sang dominiko.
Ini nangilay sing makaduha. Si P. Irene nga nakakita sina naghangop nga ang iya kaso daw nalutos na.
— Isa ina ka kinagubot nga mahidaiton, isa ka ribok nga ginatipigan, —sugpon ni P. Sibyla.
— Ribok, kinagubot? —pamangkot sang mataas nga alagad nga nagtulok sa isa kag isa nga daw wala sing butang nga nahangpan.
— Ina ginapangulohan sang pila ka pamatan-on nga ginapakasumala tungod sa ila lakas nga tuyb sa pagpanibag o kag paglakbang kapin sa panahon, nga indi na naton pagihambal ang iban nga butang, —sugpon sang tiglikum nga tumulok sa dominiko. —May ara sa ila nga ginatawag kay Isagani, ang ulo daw nahamtang sing maayo, nga hinablos sang isa ka pari nga klerigo...
— Isa ina ka bumoluthb nakon, — sabat ni P. Fernandez, — kag naluyag ako kaayo sa iya...
— Nga yawa, naluyag pa! —may kadalas nga nakabungat si P. Camorra. —Sa bapor diutay lang kami magsum baganay, kay tuman ka makailinit, tinikwang ko sia kag binalusan niya ako!
— May isa pa nga ginahingalanan kay Makaraig ukon Makarai...
— Makarai, —sabat ni P. Irene nga tumogda man sing iya. —Isa ka bata nga tuman ka mahigugmaon kag mainabyanon.
