- 115
Kag humotik sa dulonggan sang Heneral:
— Nakahambal na ako sa imo nahanungod sa iya, manggaranon kaayo ... gintugyan sia sa akon sing maayo sang ginang kondesa.
— A!
— Ang isa ka bumoluthb sa Pagpamulong, ang ginahingalanan kay Basilio...
— Nahanungod sina kay Basilio wala ako sing mahambal, — sabat ni P. Irene nga binatak niya ang iya mga kamot kag buksan nga daw sa mahambal sing dominus vobiscum — Ina sa akon isa ka tubig nga mahipos. Wala gid ako makasayod kon ano ang iya luyag kag kon ano ang iya ginahunahona. Masubo nga si P. Salvi wala diri nagatambong sa pagsugid sa aton sang mga butang nahanungod sa iya sang una! Daw nakabati ako nga sang diutay pa sia nagkilalahay sila sang Gwardya Sibil, ang iya amay napatay sa isa ka kinagubot nga indi ko madumdoman...
Si Simoun inanay nga nagyuhom, nga wala sing gahod, kag nagpagwa sang iya maputi nga mga ngipon nga nagtulupong sing maayo.
— Aha! Aha! —silfng sang I. T. nga naglungblungb, — may aton kita sina? Ilista ina nga ngalan.
— Apang, Heneral ko, —siling sang mataas nga alagad nga nakita niya nga ang ginhambalan naglain, — tubtob kardn wala pa sing butang nga nahanabb nga sarang mahambal nahanungod sina nga mga pamatan-on: ang ila petisyon matarong kaayo, kag wala kita sing maskin ano nga katarungan sa pagdumili nga ipasandig lamang naton sa mga paghanguphangop. Ang akon kaisipan nga ang pangulohan, sa paghatag kamatuoran sa iya pagsalig sa banwa kag sa kapag-on sang iya sadsaran, dapat magpasugot sa ginapangayo sa iya, kag hilway man sia sa ulihe sa pagbawi sang pahanugot kon makita nga ginalapas ang iya kaalwan. Mga kabangdanan kag mga pamalibad indi makulang, sarang naton sila mabantayan ... Ngaa man nga palainon naton ang buot sang pila ka pamatan-on nga sa ulihe magkalaakig, samtang nga ang ila ginapangayo nasulod man sa mandu sang Hari?
