- 117
Hanti humambal si P. Fernandez nga sang pagbinaisay tuman sa iya ang magyuhom lamang. Ang tanan naghanda sa pagpamati kay nahibal-an nila nga may maayo sia nga ulo.
— Ayaw ako pagbilanga nga malain, P. Sibyla, kon tuhay ang akon kaisipan sangsa imo pagtulok sang butang nga gina baisan, apang isa ka pinasahi ang akon kapalaran nga sa dalayon magpakigsupak ako sa akon mga utod. Hand isiling ko nga indi kita dapat magbatyag sang kalainan sa butang nga ginapaabot. Ang pagtudlb sang kinatsila sarang mapahanugot, nga wala sing maskin ano nga katalagman, kag agud nga indi mapakita nga isa ka kalutosan sang Unibersidad, dapat kita nga mga dominiko magtinguha kag dapat nga mag-una sa pagpadungog: yara dira ang politika ... Tungod sa ano nga padayunon naton ang pagpakighugtanay sa banwa, nga kon sa bagay kita aton diutay kag sila madamb, nga kita ang may kinahanglan sa ila kag sila wala sing kinahanglan sa aton? Hulat ka anay, P. Camorra, hulat ka anay! Mahimb nga sa karon ang banwa mapigaw kag wala sing madamb nga na hibal-an, ako man nagatuo nga amo ini, apang indi na amo ini bwas, ukon sa isa man ka bwas. Bwas ukon sa isa ka bwas sila magalabi kabakod, mahibal-an nila ang angay sa ila kag ina indi naton mapunggan, subong man nga indi mapunggan nga ang kabataan, pag-abbt sa isa ka panuigon, ma kahibalo sang madamb nga butang ... Gani, ginahambal ko nga, ngaa man indi naton paghimuslan ini nga kahimtangan sang ila kapakok sa pag-ilis sang bug-os nga pagsulondan, agud mapaluntad naton sa isa ka sadsaran nga mabakod, nga indi madula, sang hustisya halimbawa, sa baylo sang isa ka sadsaran sang kapakok? Kay wala sing katulad ang maghimb sing matarong, amo ang akon ginahambal gihapon sa akon kautoran kag indi sila sa akon magpati. Ang indyo, katulad sang tanan nga banwa nga lanubb, nagapakamahal sang katarungan; nagapangayb sang silot kon makasayop, su bong man nga maakig kon indi nagakaigb sa iya. Indi bala matarong ang ila ginapangayo? Kay sa pagpahanugot sina, ihatag naton sa ila ang tanan nga buluthban nga luyag nila, kag magatawhay sila. Ang pamatan-on matamad kag ang magapapisan sa ila amo ang aton ginapamatukan. Ang laso sang aton maayo nga ngalan, P. Sibyla, natais na sing tuman.
