mag-aman kitá sing isá; ang isá ka laso sa pinautang nga kaba-
laslan halimbawà. Indi kitá magbinuang, himùon naton ang
ginhimò sang maalam nga mga heswita...
-O. O. P. Fernandez!
Indì, indi; ang tanán mapaumoran ni P. Sibyla lwás la- mang ang hingyòán siá nga himùon nga huwaran ang mga heswita. Nagpalangurog kag nagpalangluspad naghambal siá sing masakit nga mga panumbunganon.
-Una ang pransiskano ... Maskin anó nga butang indì lang ang heswita! -hambal niya nga walâ siá sa iya kaugali- ngon.
-O. o!
-E, e! Padre P. - !!
Nag-abót ang isá ka binaisáy diín ang tanán, nga nalimtan ang Kapitán Heneral, nagtinambag; naghalambal silá sing du- longan, nagsininggit, walâ maghinangpanay, nagsinupaksopak; si Ben Zayb nagpakigbais man kay P. Camorra kag nag- umoláy, ang isá naghambal sang mga gugma kag ang isá sang mga lintà, si P. Sibyla naghambal sang Kapitulo kag si P. Fernandez sang sang Summa sang Sto. Tomás, kbp., tubtob nga nagsulód ang kura sang Los Baños sa pagpahibaló nga na- handà na ang pamahaw.
Ang Iya Taslangdon tumindog kag nautód ang binaisáy.
-Tuman na, mga ginuo! silíng niya. Sa karón na- kapangabudlay kitá subong sang mga negro wala'y sapayán nga yari kitá nagabakasyon! May nagsiling nga ang ma- bug-at nga mga asunto dapat hambalán pagkatapos sang pa- mahaw. - Sugót akó sinâ nga kaisipan.
-Mahimò nga indì kitá matunawan, hambal sang tigli- kúm nga nagpatuhoy sa kainit sang binaisbais.
- Hantì ipaiway naton inâ tubtob bwás sa aga. Ang tanán nagtilindog.
-Heneral ko, hutík sang mataas nga alagád, - ang anák sadto ni Kabesang Tales nagbalik sa pagpangayò sang kahilwayan sang iya lolo nga masakitón, nga ginbilanggò tigaylo sa iya amáy...
6 Capítulo - Sangá sang Katedral.
6 Summa - Labing mataas nga kagamhanan.
