- 123
Maghigugma sa isa ka babae nga wala sing nahibal-an nga isa
ka taga nga kinatsila, wala sing bisan kwarta kag nahimb pa
nga isa ka suloguon! Mahuluy-on lang sia, apang matahum;
isa ka gab-i binaston ni P. Camorra ang duha ka tawo nga
nagharana sa iya kag wala ko mahangpi kon ngaa nga wala
niya pagpatya. Apang wala’y sapayan sini tanan, mahuluy-on
man sia gihapon! Apang mahanabb sa iya ang kasubong sang
nahanabb man sa tanan nga babae, sa tanan nga babae!
Si Juanito Pelaez humalakhak nga sa sina daw nakitii niya ang isa ka kadalag-an. Tinulok sia ni Placido nga may malain nga buot.
— Pamati anay, kag ano ang ginpanaysay kahapon sang Katedratiko? — pamangkot niya nga binayluhan ang sugilanon.
— Kahapon wala sing klase.
— Gali! Kag sang isa ka hapon?
— Tawo ini! Hwebes!
— Matiiod, daw ano kapakok sa akon! Nahibal-an mo. Placido, nga nagpakok ak6 karon? Kag sang Myerkoles?
— Sang Myerkoles? Hulat ka ... sang Myerkoles nagulan.
— Maayo! kag sang Martes, tsiko?
— Sang Martes pandot sang Katedratiko kag nagkaladto kita sa pagdulot sa iya sing isa ka orkesta, isa ka pungpong nga mga bulak kag iban pa nga mga dulot...
—A, karamba! —hambal ni Juanito nga nahayanghag, — nalimtan ko ina! Daw ano kapakok sa akon! Pamatii kag namangkot bala sila sa akon?
Pinakinhol ni Penitente ang iya mga abaga.
— Wala ako makahibalo, apang hinatag nila sa iya ang lista sang mga nagpasakop sa pandot.
— Karamba! ... pamatii, kag sang Lunes, ano ang nahanabo?
— Sanglit nahauna yadto nga adlaw sang klase, ginbasa ang listahan kag ginpahibalo ang leksyon: nahanungod sa mga espeho. Tan-awon mo: kutob diri tubtob didto.... nga sauluh6n, ang tagsa ka tinaga ...; lumpatan ini tanan nga bahin kag idason na man ini!
